Ердаги иқлим ўзгариши билан боғлиқ экстремал об-ҳаво ҳодисалари сўнгги 10 йил ичида жаҳон иқтисодиётига 2 триллион доллардан ортиқ зарар келтирди. Бу ҳақда Париждаги Халқаро савдо палатаси сайтида чоп этилган ҳисоботда маълум қилинди.
Ҳисобот 2014 йилдан 2023 йилгача бўлган ва жами 1,6 миллиард аҳолига таъсир қилган 4000 га яқин об-ҳаво ҳодисалар асосида тузилди. Бунда тадқиқотчилар томонидан турар жой бинолари, корхоналар ва инфратузилмаларнинг вайрон бўлишидан келиб чиқадиган бевосита зарар ҳамда об-ҳаво шароитларининг меҳнат унумдорлигига таъсири ҳисобга олинган.
Ҳужжатда таъкидланганидек, “биргина сўнгги 2 йилда глобал иқтисодий зарар 451 миллиард долларга етди, бу аввалги 8 йилга нисбатан 19 фоизга кўпдир”.
“Сўнгги ўн йилликдаги далиллар иқлим ўзгариши келажак эмас, бугунги кун муаммоси эканини кўрсатади: экстремал об-ҳаво ҳодисалари натижасида ҳосилдорликнинг йўқолиши ҳозир иқтисодиётга салбий таъсир қилмоқда”, деди палата бош котиби Жон Дентон.
Тадқиқотни Охеrа consalting компанияси олиб борди.
Изоҳ (0)