Вайронкор иқлим ўзгаришлари ҳар йили Евроиттифоққа йўл олган муҳожирлар сони 2100 йилга келиб бир неча баробар ошиши ва 1 миллион кишига етишига олиб келиши мумкин. Нью-Йоркдаги Колумбия университети олимлари шундай хулосага келди, дея хабар берди «ТАСС».
Иқлим ўзгаришлари қурғоқчилик, тошқин, довул ва дунё океани сатҳи ошишига олиб келиши мумкин. Бу омиллар сайёранинг турли минтақалари, хусусан, Саҳрои Кабир жанубидаги давлатлар ва Осиёнинг қатор ҳудудларида қишлоқ хўжалиги юритишни қийинлаштиради, баъзан эса уни умуман имконсиз ҳолга келтиради.
Тадқиқот муаллифлари 2000—2014 йилларда Евроиттифоқдан бошпана сўраб 103 мамлакатнинг ўртача 350 минг фуқароси талабнома тақдим этганига асосланди. Экспертлар талабномалар сонини ҳарорат ва об-ҳаво каби экологик омиллар билан таққослаб кўрди.
Изоҳ (0)