2024 йилнинг 30—31 октябрь кунлари Тошкент шаҳрида “Европа иттифоқи – Марказий Осиё ёш етакчилари конференцияси: барқарор сув ҳаракати парадигмасини ўзгартириш” мавзусида минтақавий конференция бўлиб ўтди.
Конференция сув ресурсларини бошқариш ва одамлар ўртасидаги алоқаларнинг муҳим мавзулари бўйича Европа иттифоқи – Марказий Осиё “йўл харитаси”ни амалга оширишни қўллаб-қувватлаган ҳолда Марказий Осиёнинг бешта давлатидан 35 ёшгача бўлган 100 нафарга яқин иштирокчини ўзида жамлади.
Жумладан, талабалар, ташаббускор ёшлар, фуқаролик жамияти ташкилотлари, тадқиқотчилар, оммавий ахборот воситалари, ёш сиёсатчилар, шунингдек, ҳукумат экспертлари вакиллари иштирок этмоқда.
-tUiP1PLK.jpg)
Конференциянинг очилишида Ўзбекистон Республикаси сув хўжалиги вазири Шавкат Ҳамроев, Қозоғистон Республикаси президенти маслаҳатчиси Зулфия Сулейменова, Тожикистон Республикаси энергетика ва сув хўжалиги вазирининг биринчи ўринбосари Жамшед Шоимзода нутқ сўзлади. Конференцияда Европа иттифоқига аъзо давлатлар элчилари, Бирлашган Миллатлар Ташкилоти ва Жаҳон соғлиқни сақлаш ташкилоти вакиллари, шунингдек, Европа Хавфсизлик ва Ҳамкорлик Ташкилотининг Ўзбекистондаги вакиллари иштирок этди. Конференцияда Европа иттифоқининг Марказий Осиёдаги делегациялари вакиллари ҳам қатнашди.
-QMcYJICv.jpg)
Мазкур конференция Марказий Осиё ва минтақалар бўйлаб минтақавий мулоқот ва шерикликни кучайтиради, шунингдек, Европа иттифоқининг жамоатчиликка таъсири ва кўринишини оширади, иқлим барқарорлиги ва сув ресурсларини бошқариш бўйича ҳаракатларини амалга оширишга кўмаклашади.
— “Менимча, Марказий Осиёдаги сув муаммоларини ҳал қилишда Европа тажрибаси жуда фойдали бўлади. Биз сув, энергетика ва иқлим соҳаларида Марказий Осиё учун қатор лойиҳаларни бошладик. Бугунги конференция орқали эса уни тарғиб қилмоқчимиз. Бу масалага ёшларни жалб этиш ҳам жуда муҳим. Чунки Марказий Осиё аҳолисининг ярмини ёшлар ташкил этади ва сув таъминотини такомиллаштириш, уни тежаш, шунингдек, сув ресурслари соҳасида ҳамкорликни ривожлантириш муҳим аҳамиятга эга. Бундан ташқари, бугунги учрашувдан асосий мақсад Марказий Осиё ёшларини бирлаштиришдир. Европа иттифоқига аъзо давлатлар, Франция, Германия ва Европа иттифоқининг айрим лойиҳалари Ўзбекистонда ҳам молиялаштирилади. Ўйлайманки, сувни тежовчи технологияларни Ўзбекистонга олиб келиш борасида ҳали кўп ишларни қилиш мумкин. Шунингдек, Қозоғистон, Қирғизистон, Тожикистон билан сув масалалари бўйича қатор йирик лойиҳалар амалга оширилмоқда. Жаҳон банки ва Европа инвестиция жамғармаси томонидан қўллаб-қувватланган қатор йирик лойиҳалар ҳам мавжуд. Улар манфаатли бўлади ва биз Ўзбекистон ҳукумати ва институтлари билан келгусида ҳам ҳамкорлик қилишни истаймиз”, дейди Европа иттифоқи делегациясининг Қозоғистондаги вакили Йоханнес Баур.
Конференциядан тайёрланган махсус репортажни томоша қилинг:
Изоҳ (0)