Тель-Авив ва Вашингтон Эронга қарши ҳаракатлари учун албатта жавоб олади, деди Эрон олий раҳбари Али Хоманаий. Бу ҳақида ICАNА ахборот агентлиги хабар қилди.
“Душманлар – хоҳ Исроил режими бўлсин, хоҳ АҚШ – Эронга, Эрон халқига ва қаршилик фронтига қилган ишлари учун албатта қаттиқ жавоб олади”, деди у.
Ўтган ҳафта Исроил армияси яҳудий давлатига 1 октябрда уюштирилган ҳужумларга жавоб тариқасида Эрондаги ҳарбий объектларга зарбалар беришини маълум қилган эди.
CBS News ўз манбасига таяниб, Исроилнинг Эронга ҳужуми фақат ҳарбий нишонлар билан чегаралангани ва ядровий ёки нефть объектларига тааллуқли эмаслигини хабар қилди.
IRNA хабарига кўра, Эроннинг нефть саноати объектларидан ҳеч бири зарар кўрмаган. Американинг Axios портали манбаларга таяниб, Исроилнинг зарбаси Эронда баллистик ракеталар ишлаб чиқариш тизимига зарар етказганини маълум қилди. Жумладан, узоқ масофали баллистик ракеталар учун қаттиқ ракета ёқилғисини ишлаб чиқаришда ишлатиладиган қурилмалар ишдан чиққани айтилди.
Аммо Эрон томони буни тасдиқламаган.
Изоҳ (0)