Яқин Шарқдаги можаронинг янада кучайиши АҚШнинг ракета арсеналини тугатиши мумкин. Бу ҳақда The National Interest хабар берди.
Унга кўра, минтақада кучайиб бораётган қарама-қаршилик “АҚШнинг ракета арсеналларини хонавайрон қилиши мумкин, бу эса мамлакатнинг Европа ва Осиёдаги базалар ва ҳарбий иншоотларни заиф ҳолга келтиради”.
Гап, хусусан, кемаларга ўрнатилган Американинг SМ-3 зенит ракетаси ҳақида кетмоқда, уларнинг катта қисми Қизил денгизда Яман ҳусийларига зарба бериш учун ишлатилган.
Аввалроқ Пентагон минтақада кескинлик кучайган бир пайтда Эрон баллистик ракеталарининг эҳтимолий ҳужумини қайтариш учун Исроилга ТHААD (Теrminal High Аltitude Аrеа Defence) ракетага қарши мудофаа тизимларини юборган эди. Нашрнинг ёзишича, у Исроилнинг “Стрела” тизими ёнига жойлаштирилади. Пентагон матбуот котиби генерал Патрик Райдернинг баёнотига кўра, ТHААД тизими ва унга алоқадор америкалик қўшинлар гуруҳининг жойлаштирилиши Исроил ҳаво мудофаасини кучайтиришга ёрдам беради.
SМ-3 ва ТHААД “АҚШнинг Тинч океанидаги базаларини Хитойдан ва Европадаги базаларини Россиядан ҳимоя қилиш қобилияти учун” муҳим эканлиги ҳисобга олинса, Вашингтон “тез орада устуворликлар борасида қийин танловга дуч келиши мумкин”, деб ёзади The National Interest.
Изоҳ (0)