Флоридада АҚШ президентлигига сайловда овоз берганидан сўнг матбуотга берган интервьюсида Дональд Трамп сайловда ғалаба қозонишига “ишончи комил” эканини айтди.
“Ўзимга ишончим комил. Эшитишимча, биз ҳамма жойда яхши натижаларга эришяпмиз”, дейди Трамп.
Унинг қўшимча қилишича, бу ўтказган учта кампания ичида “энг яхшиси”.
“Ғалабани тасдиқлаш учун узоқ вақт керак бўлади”, дея таъкидлаган у.
Трамп “пулларнинг ҳаммасини машиналарга сарфланганини” инобатга олиб, натижаларни ҳисоблашда узоқ вақт кетишидан шикоят қилган ва натижалар тезда эълон қилинган Франция сайловларини намуна сифатида қайд этган.
Ҳозир АҚШда президентлик сайловлари бўлиб ўтмоқда. Демократик партиядан вице-президент Ҳаррис, Республикачилар партиясидан эса собиқ президент Трамп вакиллик қилмоқда.
Polymarket букмекерлик агентлиги маълумотларига кўра, Трампнинг президентлик сайловларида ғалаба қозониш эҳтимоли 61 фоизни ташкил этади.
Унинг ҳисоб-китобларига кўра, Трампнинг президентлик учун курашдаги рақиби Камала Ҳарриснинг имкониятлари 39 фоизга баҳоланмоқда. Оқ уй собиқ раҳбарининг ғалабасига тикилган пуллар миқдори қарийб 1,3 миллиард доллар, амалдаги вице-президентники эса 808 миллион доллардан иборат.
Изоҳ (0)