Америка Қўшма Штатлари Польшага сўнгги версиядаги Абрамс танкларининг биринчи партиясини жўнатди, деб хабар беради Defense24.
Польша армияси учун Абрамс танкларининг яна бир партияси юборилди, бу сафар сўнгги версиядаги танклар жўнатилмоқда, дейилади хабарда.
Қайд этилишича, ташиш махфийлик муҳитида амалга оширилади.
“Хавфсизлик нуқтаи назаридан ишлаб чиқарувчи танкларнинг сонини, уларни олиб кетаётган кеманинг номини, шунингдек, Польшанинг қайси портига қачон етиб боришини сир тутади”, дейилади хабарда.
Нашрнинг ёзишича, янги Абрамс танклари Польшага бир неча ҳафта ичида етиб бориши керак. Қайд этилишича, танклар аввал келишилган жадвалдан эртароқ етказиб берилади. Етказиб беришни якунлаш 2026 йил охирига режалаштирилган.
2022 йилда Польша сўнгги версиясидаги 250 та Абрамс танкларини, тегишли жиҳозлар, логистика ва ўқув пакетларини етказиб бериш бўйича АҚШ билан шартнома имзолаган.
Изоҳ (0)