Америкалик актёр Тимоти Шаламе билан ишлаган инсайдерлар Боб Дилан ҳақидаги “Мутлақо нотаниш” биографик фильмининг суратга олиш жараёнида актёрни ахлоқсиз хатти-ҳаракатлар қилганликда айбламоқда, деб ёзади “Корреспондент.net” нашри.
Маълум бўлишича, интервью ва турли шоуларда гўзал хулқи ва тавозеси билан ажралиб турган Тимоти Шаламе суратга олиш майдонида ўзини бошқача тутади ва қўпол хатти-ҳаракатлар қилади. Сёмка гуруҳи аъзоларидан бири у ҳақда: “Тимоти ўзини худбинларча ва руҳий касал инсондек тутар, суратга олиш ишлари бошланишидан аввал бошқа ходимлар унинг кўзига қараши ёки ўзини таништириши тақиқланган эди”, дея салбий фикрларини билдирди.
Гувоҳлар маълумотига кўра, актёрнинг ҳамкасблари қуёш тутилишини суратга олаётганда Шаламе тасодифан камерага тушиб қолган. Шу сабабли Тимоти продюсер ёрдамчисига қўпол сўзларни ёғдира бошлаган ва аёлни смартфонидаги барча суратларни ўчириб ташлашга мажбурлаган. Шу воқеадан кейин Шаламе продюсерлардан актёрлар ва суратга олиш жамоаси уяли телефонлардан фойдаланишини қатъиян тақиқлашни талаб қилган.
Бундан ташқари, Тимоти сўнгги дақиқада ҳожатхонали трейлер талаб қилади ва натижада 120 нафар актёр ва 150 та тасвирга олиш гуруҳи аъзолари бошқа ҳожатхонадан фойдаланишга мажбур бўлади.
“Уни ўзидан бошқа ҳеч ким қизиқтирмайди”, дейди инсайдерлардан бири.
Аммо суратга олиш майдонида нафақат “Дюна” юлдузи, балки “Мутлақо нотаниш” фильми режиссёри ҳам ўзининг ёмон хулқи билан ажралиб турган. Маълум бўлишича, Жеймс Мэнголд ҳам қўл остидагиларга доимо қўпол ва шафқатсиз муносабатда бўлган ва ҳатто бир куни ўз ёрдамчисини итариб юборган.
Изоҳ (0)