Тейлор-Жой, Зендея, Шаламе: Голливуднинг буюк актёри бўлиши кутилаётган ёш истеъдодлар (фото)

Киноижодкорлар бу актёрларни фильмида суратга олиш учун бир-бири билан курашишга тайёр. Уларнинг кадрда борлиги фильм муваффақиятини кафолатлайди.

Тимоти Шаламе

Актёр ўсмирлик чоғида топ режиссёрлар билан ишлаган. Ҳозирда Тимоти Шаламе иштирокидаги кўплаб лойиҳалар ғоят юқори касса тушумларига эга. Улар орасида “Вонка” ва “Дюна 2” бор. Фильм ижодкорларининг фикрига кўра, Тимоти истиқболли актёрлардан биридир.

Женна Ортега

“Уэнздей” сериалини Netflix тарихидаги энг кўп томоша қилинган сериаллардан бирига айлантирган Женна Ортегами ёки аксинча, шов-шувли лойиҳа ёш актрисанинг кўтарилишида ёрдам бердими? Нима бўлганда ҳам бир нарса аниқ: юлдуз Голливудда энг талабгир актрисалардан бирига айланди — унинг иштирокидаги лойиҳалар катта даромад келтириши кафолатланади.

Флоренс Пью

Флоренс Пью иштирокидаги сўнгги лойиҳалардан бири — “Хавотир олма, азизим” муваффақиятсизликка учраганига қарамай, актриса ҳали ҳам шон-шуҳрат чўққисида қолмоқда. Сўнгги икки йил ичида юлдуз “Мўъжиза”, “Оппенгеймер”, “Яхши одам” ва “Дюна 2” фильмларида истеъдодини кўрсатишга муваффақ бўлди. Бундан ташқари, Флоренс Marvel фильмларида ҳам рол ўйнаган.

Аня Тейлор-Жой

2020 йилда чиққан “Қироличанинг юриши” сериали Аня Тейлор-Жой учун ўзини бошқа ракурсдан кўрсатиш имкониятига айланди. Ҳозирда актриса турли ижтимоий тадбирларда тез-тез меҳмон бўлиб, унинг номи оммавий ахборот воситаларининг сарлавҳаларини тарк этмайди. Унинг фильмографиясидаги сўнгги шов-шувли лойиҳалардан бири бу “Фуриоса: Телба Макс йилномалари” фантастик жангари фильмидир.

Зендея

Зендеянинг ақл бовар қилмайдиган машҳурлигини инкор этишнинг иложи йўқ. Актрисанинг ҳозирги юксалишини “Ўргимчак одам: Уйга қайтиш”, “Энг зўр шоумен” ва “Эйфория” каби фильмлар таъминлади. Бугунги кунда юлдуз ҳамма жойда катта талабга эга.

Жейкоб Элорди

Жейкоб Элорди биринчи марта “Эйфория” сериали чиққандан кейин машҳур бўлиб кетди. Актёрга бўлган жамоатчилик қизиқиши унинг иштирокидаги кейинги лойиҳаларга йўл очиб берди. Бу йил эса Канн кинофестивалида бош ролда Элорди бўлган “О, Канада” драмаси тақдим этилди.

Остин Батлер

Ёш истиқболли актёр анчадан бери машҳур. Остин Батлернинг навбатдаги оламшумул машҳурлиги унинг иштирокидаги “Элвис” ва “Дюна 2” фильмлари чиққандан кейин келди. Кино танқидчилари кўпинча юлдузни Брэд Питт билан солиштиради ва Остин афсонага айланиш учун барча хислатларга эга эканлигига ишонишади.