Барибир йиғлатади: севги, оила ва ўзликни англаш ҳақидаги энг таъсирли фильмлар

Агар кайфиятингиз тушиб кетган бўлсаю, кўнглингизни бўшатиб олишни истасангиз, бундай вақтда севги, оила ва ўзликни топиш ҳақидаги таъсирли фильмлар томоша қилишни тавсия қиламиз.

“Никоҳ тарихи” (2019)

• Жанр: драма, мелодрама
• Режиссёр: Ноа Баумбак
• Ролларда: Скарлетт Йоханссон, Адам Драйвер, Лаура Дерн, Алан Алда, Рей Лиотта

Ажойиб оиланинг қулаши тарихи: Чарли Барбер (Адам Драйвер) ва унинг рафиқаси Никол (Скарлетт Йоханссон) ажрашади. Бироқ розилик асосида ажралиш икки мағлубнинг шиддатли жангига айланади.

“Рома” (2018)

• Жанр: драма
• Режиссёр: Алфонсо Куарон
• Ролларда: Ялица Апарисио, Марина Де Тавира, Диэго Кортина Отри, Карлос Пералта, Марко Граф

2019 йилда ушбу фильм учун “Оскар”ни қўлга киритган Алфонсо Куарон мексикалик хизматчи Клеонинг Мехиконинг бой ҳудудлардан бири бўлган Романинг бадавлат уйларидан биридаги ҳаёти ҳақида ҳикоя қилади. У Антонио ва Софияга тўрт фарзандини катта қилишда ёрдам беради. Тўсатдан оила бошлиғи Антонио маъшуқаси билан қочиб кетади, айни пайтда йигити ташлаб кетган Клео ҳам ҳомиладорлигини билиб қолади. Умумий қайғу билан бирлашган аёллар болалар билан саёҳатга чиқади. Улар хотиралар ва ички оғриқларга дош бериб, ҳаётларини давом эттиришга ҳаракат қилишади.

“Хонқизи” (2017)

• Жанр: драма, комедия
• Режиссёр: Грета Гервиг
• Ролларда: Сирша Ронан, Лори Меткаф, Трейси Летц, Лукас Ҳежес, Тимоти Шаламе

Грета Гервигнинг оиласидан уни “хонқизи” деб аташларини талаб қиладиган қайсар, аммо мафтункор ўспирин қиз ҳақидаги таъсирчан драмаси. Гервигнинг режиссёрлик дебюти болалик ва катталик ўртасидаги даврда ота-оналар ва болалар ўртасидаги зиддиятни мукаммал тарзда акс эттиради. Бир ярим соат давом этадиган таъсирчан, бир оз қайғули ва бир оз кулгили фильм.

“90 йилларнинг ўрталари” (2018)

• Жанр: драма, комедия
• Режиссёр: Жона Ҳилл
• Ролларда: Санни Сулжик, Кетрин Уотерстон, Лукас Хежес, На-кел Смит, Олан Пренатт

Бу онасининг эътиборидан маҳрум ва дўстлар топишга интилаётган, баджаҳл акаси билан яшайдиган ёлғиз боланинг ҳикояси. Бир пайт у скейтчилар тўдасига қабул қилинади — кунларини чекиш ва скейт учиш билан ўтказадиган катта ёшли йигитлар гуруҳи. 13 ёшли Стивининг скейтбордингни ўзлаштиришга бўлган уринишлари жароҳатларга олиб келганидек, унинг аслидек бўлишга уринишлари ҳам бир қатор даҳшатли оқибатларга олиб келади.

“Ширин бола” (2019)

• Жанр: драма
• Режиссёр: Алма Харел
• Ролларда: Шая Лабаф, Лукас Ҳежес, Ноа Жуп, Байрон Бауэрс, Лора Сан Жакомо

Бош қаҳрамон — ўзини ўлдиришга мойил бўлган машҳур актёр бўлиб, у реабилитация марказига тушади. У ерда психотерапевт актёрга столга ўтиришни ва бутун ғазабини қоғозга тўкишни маслаҳат беради. Қаҳрамон ўтмишни эслай бошлайди ва болалигига қайтади: у 12 ёшда, ўғлининг эрта муваффақиятидан қўрққан ёки ғазабланган отаси билан яшайдиган ёш актёр. Ота ролини Шая Лабаф ўйнайди ва ўғил ролини кичик актёр Ноа Жуп ижро этади. Лабаф реабилитация даврида “Ширин бола” (актёрнинг болаликдаги лақаби) сценарийсини ёзган ва бу матн ҳақиқатан ҳам у учун терапиянинг бир қисмига айланган.

“Севги бу — касаллик” (2017)

• Жанр:драма, мелодрама, комедия
• Режиссёр: Майкл Шовалтер
• Ролларда: Кумаил Нанжиани, Зоэ Казан, Холли Хантер, Рей Романо, Анупам Кҳер

Покистонлик комик Кумаил Нанжиани ва унинг рафиқаси Эмилининг ярим автобиографик ҳикояси. Биринчи навбатда бу ирқлараро муносабатлар ва маданиятлар тўқнашуви муаммолари ҳақидаги фильм. Лекин уни сентиментал ва мафтункор севги ҳикояси дейиш ҳам мумкин.

“Капитан Фантастик” (2016)

• Жанр: драма
• Режиссёр: Метт Росс
• Ролларда: Вигго Мортенсен, Жорж Маккай, Саманта Ислер, Анналиса Бассо, Николас Хемилтон

Фильм Вашингтон штати чўлининг ўртасида, технология ва транспортдан узоқда олти фарзанди билан яшайдиган эр-хотин ҳақида. Улар капитализм идеалларидан ҳафсаласи пир бўлгач, ҳаётни ўз қўлларига олишга ва болаларга омон қолиш кўникмаларини ўргатишга қарор қилишади - масалан, улар ов қилишни ва қуролдан фойдаланишни билади. Бироқ оила ҳаётида фожиа юз беради — Бен (Вигго Мортенсен)нинг рафиқаси Лесли вафот этади. Бу уни ҳаёт тарзини қайта кўриб чиқишга ва катта дунёга чиқишга мажбур қилади.

“Ота” (2020)

• Жанр: драма
• Режиссёр: Флориан Зеллер
• Ролларда: Энтони Хопкинс, Оливия Колман, Руфус Сюелл, Оливия Уильямс, Марк Гатисс

Лондондаги ҳашаматли уйида вайсақи қария Энтони аста-секин қаримоқда. У ҳали ҳам кучли эканлигига ва ҳамма нарсани ўзи ҳал қила олишига ишонади, лекин ундан ташвишланган қизи (Оливиа Колман) унга ёрдамчи ёлламоқчи. Ўжар Энтони барча номзодларни рад этади, бу орада унинг квартирасида ғалати воқеалар содир бўла бошлайди. Деменцияга чалинган одамни ажойиб тарзда ўйнаган учун Хопкинс иккинчи марта “Оскар” олади.

“Катта юмилган кўзлар билан” (1999)

• Жанр: триллер, драма, детектив
• Режиссёр: Стенли Кубрик
• Ролларда: Том Круз, Никол Кидман, Сидней Поллак, Мария Ричардсон, Раде Сербедзия

Стенли Кубрикнинг ушбу фильми — Том Круз ва Никол Кидман биргаликда суратга тушган охирги фильмдир. Бу турмуш қурганларнинг ҳикояси: жуфтлик шаҳвоний истаклари орқали бир-бирлари ҳақида қоронғи ҳақиқатларни кашф этадилар.

“Хайр, Кристофер Робин” (2017)

• Жанр: драма, оилавий, биография
• Режиссёр: Саймон Кертис
• Бош ролларда: Донал Глисон, Марго Робби, Келли Макдоналд, Вики Pepperдин, Уилл Тилстон

Ёзувчи Алан Милн (Донал Глисон) — Биринчи жаҳон уруши қатнашчиси. Уйга қайтгач, Милн травмадан кейинги стресс бузилишини бошдан кечиради ва бир сатр ҳам ёза олмайди. Шунинг учун у хотини ва ўғли билан Лондон марказидан ўрмонга кўчиб ўтади. Доимий қабуллар ва ижтимоий ҳаётга ўрганган рафиқаси (Марго Робби) тез орада пойтахтга қайтади ва ёзувчини кичкина ўғли Кристофер Робин билан ёлғиз қолдиради. Шу пайтдан бошлаб Винни Пуҳ исмли айиқчанинг ҳикояси бошланади.

“Ўлик шоирлар жамияти” (1989)

• Жанр: драма
• Режиссёр: Питер Уир
• Ролларда: Робин Уильямс, Роберт Шон Леонард, Этҳан Хок, Жош Чарльз, Гейл Хансен

Жон Китинг (Робин Уильямс) хусусий ўғил болалар мактабига ишга келган ўриндош ўқитувчи. Ўсмирлар таъсирчан болалардир, шунинг учун улар тезда янги ўқитувчига ўрганиб қолишади. Китинг айни дамдан завқланиб яшаш ғоясини тарғиб қилади, бу эса ўқувчиларнинг ота-оналарига ёқмайди. Тез орада севимли машғулот сифатида очилган тўгарак яширин жамиятга айланади ва ўқитувчи катта муаммоларга дуч кела бошлайди.

“Тунги тингловчи” (2006)

• Жанр: детектив, драма, триллер
• Режиссёр: Патрик Стеттнер
• Ролларда: Тони Коллетт, Робин Уильямс, Жо Мортон, Бобби Каннавал, Рори Калкин

Радиостанциялардан бирида ўзининг ижтимоий шоусини олиб борадиган таниқли ёзувчи ва радио бошловчиси Габриэль Нуна (Робин Уильямс) ҳақидаги Питер Стеттнернинг психологик драмаси. Ҳар оқшом Габриэль қийин ҳаётий вазиятларга тушиб қолган одамлар ҳақида ҳикоя қилади. Бир куни Пит (Рори Калкин) исмли ўсмирнинг ҳикояси унинг қўлига тушиб қолади: бола оғир касал бўлиб, асраб олган онаси (Тони Коллетт) ўғлини биологик ота-онасидан яширади. Габриэль нимадир нотўғри эканлигини сезади ва Питни қутқариш учун бунинг изига тушади.