Ҳозирда улар машҳурлик чўққисида, лекин шу ергача етиб келиш осон бўлмаган. Бир пайтлар бу актёрлар оддий мактаб ўқувчилари бўлиб, шон-шуҳрат чўққисига чиқишларини билишмаган.
Тимоти Шаламе
Актёр фаолиятини 2014 йилда бошлаган. Унинг биринчи иши “Эркаклар, аёллар ва болалар” фильмидаги эпизодик рол бўлган. Лекин юлдузли таркибга қарамай, бу картина муваффақиятсизликка учрайди. Шаламенинг карьерасидаги биринчи муваффақият “Мени исминг билан чақир” фильми бўлди. Кичкина Тимотининг орзуси айнан шу фильм орқали амалга ошади, гарчи у хоҳлаганидан бир оз кечроқ бўлса ҳам.
Зендая
Аммо Тимотининг ҳамкасби ундан фарқли ўлароқ, ҳақиқий кино мактабига боради. У Disney деб аталарди. Бу ерда ёш истеъдодларга ўзини кўрсатиш имконияти яратилади. Зендая бундан мустасно эмасди, у дастлаб “Рақс васвасаси” фильмида, кейин эса бошқа ўсмирлар сериалида рол ўйнаган. Аммо унинг актрисалик истеъдоди анча олдин уйғонган.
Флоренс Пю
Карьерасининг энг юқори чўққисига Флоренс одимлаб эмас, том маънода учиб чиққан, дейиш мумкин. Гап шундаки, у ўзининг биринчи ролини “Қулаш” фильмида ўйнаган, бу фильмда у дарҳол дунё юлдузлари билан учрашган. Шундан сўнг уни бошқа лойиҳаларга таклиф қилиш бошланади.
Аня Тейлор-Жой
Ажабланарлиси шундаки, Аня Тейлор-Жой ўзини Голливудга нолойиқ деб билади.
“Мен ўзимни ҳеч қачон гўзал деб ҳисобламаганман. Ўзимни фильмларда рол ўйнашга қодир эмасман, деб ўйлайман. Бу ачинарли ҳолат. Йигитимга шу ҳақда айтсам, одамлар мени аҳмоқ деб ўйлашлари мумкинлиги ҳақида огоҳлантиради”, дейди актриса.
Шунга қарамай, ҳозир у энг машҳур кино юлдузларидан бири. Актриса биринчи ролини 2015 йилда “Жодугар” фильмида ўйнайди. Ўшандан бери унинг роллари фақат муваффақият олиб келмоқда.
Сидни Суини
Аммо Сидни Суини ҳақиқатан ҳам бу чўққи учун курашганлардан. Болалигиданоқ актриса массовка саҳналарда, эпизодик ролларда ва реклама роликларида ўйнаган. Тақдир унга фақат 2017 йилда табассум қилади. Ўшанда қиз “Хизматкорнинг эртаги” сериалининг актёрлик таркибига киради. Сидни бу ролидан афсусланмайди, чунки унга машҳурликни айнан шу рол келтирган.
Изоҳ (0)