2024 йил янги фильмларга бой бўлиши ваъда қилинмоқда. Томошабинлар севимли киноларининг давомини, қизиқарли ремейклар ва юлдузлар ижро этган бутунлай янги фильмларни кутишлари мумкин.
“Дюна: Иккинчи қисм”
2021 йилда томошабинларни ҳайратга солган “Дюна” фильмининг давоми Фрэнк Гербертнинг шу номдаги романининг иккинчи қисмига асосланган. Пол Атрейдес (Тимоти Шаламе) Чани (Зендая) ва Фременлар билан саёҳатини давом эттиради. У оиласига хиёнат қилганлардан қасос ва келажакдаги фалокатнинг олдини олишни мақсад қилади.
Фильмда янги қаҳрамон пайдо бўлади — актриса Флоренс Пью. У Полнинг биографиясини ёзаётган малика Ирулан ролини ўйнайди. Қиз Полга турмушга чиқади. Аммо йигит Чанини ёқтиради.
Премьера: 2024 йил 1 март.
“Микки 17”
Илмий-фантастик фильмнинг бош қаҳрамони — робот Микки. У музлик дунёсини мустамлака қилишда иштирок этади. Ҳар сафар ўлимдан кейин Миккининг ақли тикланади ва янги танага жойлашади. Аммо бир кун робот база билан алоқани йўқотади. Қайтиб келгач, ўрнига аллақачон бошқа робот топишганини кўради ва аста-секин керакциз темирга айланаётганини тушунади.
Микки ролини Роберт Паттинсон ижро этади. Режиссёр — “Оскар” мукофотига сазовор бўлган “Паразитлар” фильмини суратга олган Бонг Жун Хо.
Премьера: 2024 йил 29 март.
“Даъвогарлар”
Фильм кучли севги учбурчаги асосига қурилган. Сюжет воқеалари теннис мураббийи Таша, унинг турмуш ўртоғи ва собиқ йигити атрофида содир бўлади. Қаҳрамоннинг эри ҳам теннисчи, аммо спортда омади келмаганлардан. Рафиқаси уни “Челленжер” мусобақасига ёздиради ва спортчининг рақиби Ташининг собиқ севгилиси бўлиб чиқади. Фильмда бош ролни Зендая ижро этади.
Премьера: 2024 йил 26 апрель.
“Каскадёрлар”
Фильм каскадёр Колт ҳақида. У гонорар эвазига жиноятчиларни тутиб, қўшимча пул ишлаб олади. Бир куни Колт собиқ севгилиси Жоди суратга олаётган фильм майдончасига каскадёр сифатида келади. Кутилмганда суратга олиш майдончасидаги актёр ғойиб бўлади. Фильм тугатилиш хавфи остида қолгани учун Колт Жодига ёрдам беришга ва йўқолган машҳур актёрни топишга қарор қилади. Фильмда бош ролларни Райан Гослинг ва Эмили Блант ижро этади.
Премьера: 2024 йил 3 май.
“Битлжус-2”
“Битлжус” фильмининг иккинчи қисмини суратга олиш ғояси 1990 йилдан бери фильм ижодкорлари ва актёрлари томонидан вақти-вақти билан муҳокама қилинарди. 2020 йилда ниҳоят фильмнинг давоми устида иш бошланди. Фильмга яна Тим Бёртон режиссёрлик қилади. Майкл Китон, Вайнона Райдер ва Кетрин О’Ҳара ўз ролларига қайтади.
Премьера: 2024 йил 6 сентябрь.
“Гладиатор-2”
Фильм давомининг бош қаҳрамони – императорнинг жияни Коммод Люций. Биринчи қисмда у амакисининг қўлида ўлишига оз қолганди, лекин Максимус (Рассел Кроу) уни қутқариб қолади. 20 йил ўтгач, томошабинларга вояга етган Люцийнинг ҳаёти ҳақида сўзлаб берилади. Уни “Оддий одамлар” сериалидаги роли билан машҳур бўлган Пол Мескал ижро этади.
Премьера: 2024 йил 22 ноябрь.
“Ёвуз: Биринчи қисм”
Бу яшил терили жодугар Эльфаба ҳақида ҳикоя қилувчи мусиқий фильм. Ҳаммадан ажралиб қолган қаҳрамон охир-оқибат Ғарбнинг ёвуз жодугарига айланади. Шимолнинг яхши жодугарлари Глинда Эльфаба билан тўқнаш келади. Унинг ролини Ариана Гранде ижро этади. Сюжетда севги муносабатлари ҳам мавжуд.
Премьера: 2024 йил 27 ноябрь.
“Муфаса: Қирол шер”
“Қирол шер” тўлиқ метражли фильми худди шу номдаги мультфильмнинг ремейки эди. Янги фильм биринчи қисмдаги воқеаларни давом эттиради. Симба ўзига тегишли ҳудудларни бошқаради ва ўғлининг изидан боришини хоҳлайди. Шу билан бирга, фильмда Симбанинг отаси Муфаса тарихига катта эътибор берилади.
Премьера: 2024 йил 20 декабрь.
Изоҳ (0)