Ҳозирги кунда ҳаётимизда мўжизалар етишмаяпти. Шундай экан, буни тўғрилашнинг йўли бор. Қуйидаги сеҳрли фильмларни томоша қилинг ва яна мўжизаларга ишонинг.
“Сув париси”
Мультфильмдаги сув париси Ариел фильмга кўчди. Чин дилдан ният қилсангиз, орзулар амалга ошади. Аммо Урсулалардан узоқроқ юрган маъқул, кичкина сув париси бўлмасангиз, албатта.
“Питер Пен ва Венди”
Катталар баъзан яна бола бўлишни хоҳлашади. Вақтни орқага қайтара олмайсиз, лекин ўзингизни боладек ҳис қилишнинг бошқа усуллари ҳам бор. Мисол учун, Питер Пен билан Нетландияга боринг, аммо қайтиб келишни унутманг.
“Вонка”
Вилли Вонка дунёдаги энг яхши қандолатчи эканлигини ҳамма билади. Аммо у қандай қилиб бунга эришди? Буларнинг барчаси қаердан бошланди? Унинг ёшлиги қандай ўтди? Бу саволларнинг барчасига Тимоти Шаламе болаликдаги кумири ролини ўйнаган янги фильмда жавоб беради.
“Руби Гилман: Кракеннинг саргузаштлари”
Денгиз тубида ҳаёт кечириш ҳар доим ҳам ёқимли бўлавермайди. Шунинг учун бош қаҳрамоннинг оиласи инсонлар дунёсига кўчиб ўтишга қарор қилади. Аммо келиб чиқишини яшириш осон иш эмас, айниқса, қизи ота-онасига қулоқ солмаса. Атрофдагиларга диққат билан қаранг. Балки улар оддий одам эмасдир?
“Ғаройиб махлуқлар: Дамблдор сирлари”
Магл (оддий одам)лар сеҳргарлар ҳақида ҳеч нарса билмайди. Айни пайтда сеҳрли дунёда ҳақиқий тартибсизлик содир бўлмоқда. Дамблдор даврида ҳам шундай бўлган. Тасаввур қилинг, у ҳар доим ҳам Хогвартсни бошқармаган. Ёшлигида у ҳам Гринделвалдга қарши курашган.
“Уч минг йиллик тилак”
Афтидан, Тилда Суинтон Ернинг олий сеҳргарига айланишдан олдин жуда кўп саргузаштларни кўрган. Ва улардан бирида ҳатто ҳақиқий жинни учратади. Кўп асрлар давомида шиша ичида яшаш қандай эканлигини билмоқчимисиз? Унда мазкур фильм айнан сиз учун.
“Сеҳрланган малика-2”
Фильмнинг биринчи қисмида бош қаҳрамон Нью-Йоркда яшашга қарор қилади. Аммо ҳақиқий дунё малика учун зерикарли бўлиб қолди. Энди малика яна эртаклар оламига қайтмоқчи. Аммо қайтиб кетиш у ўйлаганчалик осон эмас.
“Круэлла”
Кўпчилик учун бу хоним болаликдаги асосий ёвузлардан бири ҳисобланади. Аслида эса унинг болалиги ҳавас қиларли бўлмаган. Ҳаётдаги қийинчиликлар уни мода оламида машҳур ва бетакрор бўлишига тўсқинлик қила олмайди — орзулар ушалади.
Изоҳ (0)