Голливуд кино оламида кўплаб ака-ука ва опа-сингиллар кўп йиллардан бери фильмларда бирга рол ўйнаб келмоқда. Ажабланарлиси шундаки, улар ўртасида рақобат йўқ.
Элизабет, Мери-Кейт ва Эшли Олсен
Элизабет ҳозир машҳурлик бўйича опаларидан ўзиб кетганига қарамай, карьерасини уларга қараганда кечроқ бошлаган. Мери-Кейт ва Эшли 9 ойлик чақалоқлигида фильмларда суратга тушган. 10 ёшида улар Қўшма Штатлардаги энг ёш миллионерларга айланишади.
Элизабет вояга етганидан кейин даромадли шартномалар туза бошлади. Унинг исми 2014 йилда актриса Қизил жодугар образини яратганда машҳур бўлди.
Бугунги кунда Элизабет фильмларда порлашда давом этмоқда, Мери-Кейт ва Эшли эса кино оламини тарк этган. Улар йилига 100 миллион доллар даромад келтирадиган Тhе Row кийим брендига асос солган.
Элл ва Дакота Фаннинг
Опа-сингиллар Элл ва Дакота Фаннинг Стивен Спилбергнинг “Ўғирланган” фильмида бош ролни ўйнаган. Ёш актрисаларга катта пул тикилади ва улар умидларни оқлайди.
Дакотани машҳур қилган “Ғазаб” фильми бўлиб, у Дензел Вашингтон, Микки Рурк ва Кристофер Уолкен билан бирга рол ўйнаган. У ўзини турли жанрларда синаб кўрди ва тажрибали актёрлар билан ишлашда давом этди. Унинг шов-шувли лойиҳаларидан бири “Сумерки” сериали ҳисобланади.
Эллнинг биринчи жиддий иши “Мен Семман” драмаси бўлиб, карьерасидаги энг яхши фильми “Фиби мўжизалар мамлакатида” картинасидир. Аммо кўпчилик томошабинлар уни “Малефисента” фильмидаги Аврора роли туфайли билишади.
Тимоти ва Полин Шаламе
Кўпчилик Тимоти Шаламени яхши танийди, лекин унинг синглиси Полин ҳақида эшитганлар кам.
Полин болалигидан ижодкор эди. У балет мактабини тамомлаган ва труппада чиқиш қилган. У рақс санъатида машҳур бўла олмади, шундан сўнг ўзини кинода синаб кўрди. Биринчи иши “Статeн оролининг қироли” фильми эди.
Айтганча, Тимоти ҳам дарҳол машҳур бўлмаган. Профессионал спортчи бўлиш орзуларидан воз кечиб, у кастингларга боради. Юлдуз “Интерстеллар” блокбастерида Метю Макконаҳининг ўғли ролини ўйнайди, аммо Тимоти қатнашган барча кадрлар кесилган. Бироқ шон-шуҳрат узоқ куттирмади. Муваффақият “Мени исминг билан чақир” драмаси экранларга чиқиши билан келди. Тимоти, шунингдек, “Бёрд хоним”, “Кичик аёллар”, “Дюна” ва бошқа кўплаб лойиҳаларда иштирок этган.
Лиам, Крис ва Люк Хемсворт
Хемсвортлар оиласининг ҳар бир аъзоси юлдуздир. Лиам, Крис ва Люк Хемсвортлар бир хил касбни танлади ва бир-бирлари билан рақобатлашишни яхши кўради.
Биринчи бўлиб кино оламига Люк кириб келди ва Австралияда машҳур бўлди. Агар Крис бўлмаганида, у маҳаллий юлдуз бўлиб қоларди. Укаси Люкдан “Тор-2: Зулмат қироллиги” фильмига тайёргарлик кўраётганда унга тренерлик қилишни сўрайди. “Ёввойи ғарб дунёси” сериали премьерасидан кейин ҳамма у ҳақида гапира бошлайди.
Люк карьерасини бошлаганида, Крис ҳам ўзини кастингларда синаб кўради. У “Оппоғой ва овчи” фильмида биринчи йирик гонорарни олади. Ҳозирда Крисни 2011 йилда биринчи марта кийган Тор костюмисиз тасаввур қила олмаймиз.
Айтганча, Лиам Криснинг ўрнини эгаллаши мумкин эди. У суперқаҳрамон роли учун ҳам кастингдан ўтган, бироқ акасига йўл берган. Аммо кичик Хемсворт яна бир машҳур франшиза — “Ҳаёт-мамот ўйинлари”нинг юлдузига айланди.
Изоҳ (0)