Миллиардлаб даромад ва мухлисларга эга бўлишларига қарамай, мазкур актёрлар оддийликдан завқ олишни унутмаган. Қуйида осойишта кундалик ҳаётни афзал кўрувчи ва камтарликни йўқотмаган машҳурларни кўриб чиқамиз.
Дэвид Бекҳэм
Дэвид Бекҳэм нафақат иқтидорли футболчи, балки меҳнатсевар фермер ҳамдир. Ўтган янги йил байрамида унинг рафиқаси Виктория футболчига товуқхона совға қилди. Девид товуқларни парвариш қилаётгани акс этган видеоларни ижтимоий тармоқларга жойлаб туради.
Шунингдек, пандемия пайтида Бэкхем асалари уяларини сотиб олди. Спортчининг айтишича, асаларичилик унга руҳан дам олишга ёрдам беради. Футболчи ҳатто мустақил тарзда асалари уялари ясай олади.
Жаред Лето
Жареднинг мухлисларига бўлган ҳурмати доимо юқори поғонада туради. Актёр концертларда фанатлар билан учрашувлар ташкил қилишдан ташқари, баъзан мухлислар билан телефон орқали боғланиб туради. Масалан, 2021 йилда юлдуз фанатларидан бирига қўнғироқ қилиб, уни туғилган куни билан табриклаган.
Женнифер Лопес ва Бен Аффлек
Тасаввур қилинг, тамадди қилиш учун қаҳвахонага кирсангиз, у ердаги кассада актриса Женнифер Лопес ва унинг турмуш ўртоғи Бен Аффлек турибди. Ишониш қийин-а? 2023 йил январь ойида машҳур жуфтлик Dunkin Donuts’да ширинликлар сотган. Машҳурлар мазкур кафега ташриф буюрган барча инсонларга яхши кайфият улашганига ишончимиз комил.
Ума Турман
Баъзилар учун боғдорчилик зерикарли касбдир, аммо актриса Ума Турман боғда меҳнат қилишдан ўзгача завқ олади. Унинг сўзларига кўра, табиат қўйнида ишлаш ва ўсимликлар етиштириш Ума Турман учун медитация ва тинчлантирувчи машғулотдир. Концертлардан бўш вақтида актриса сабзавотлар етиштиришга ҳам улгуради.
Тимоти Шаламе
Мухлислар севимли юлдузларига қўл меҳнати билан тайёрланган турли ҳадяларни беришни яхши кўради. Кўпчилик юлдузлар бундай совғаларга бепарво бўлиши мумкин, аммо актёр Тимоте Шаламе учун ҳар қандай совға азиздир. Актёр ўз мухлисларидан олган барча расмларни қабул қилади ва уларни йиғиб боради.
Женнифер Гарнер
Бир неча йил аввал Женнифер Гарнер органик озиқ-овқат маҳсулотларини ишлаб чиқариш билан шуғулланадиган Unce upon a farm компаниясининг расмий вакилига айланди. Етиштириладиган маҳсулотлар сифатини текшириш учун Женнифер Гарнер деҳқончилик хўжалигига шахсан ташриф буюриб туради. Баъзан у меваларни теришда ҳам ёрдам беради.
Изоҳ (0)