Тимоти Шаламе АҚШ кино прокатида энг юқори ўринни эгаллаган ва қисқа вақт ичида бутун жаҳон кино саноатида катта даромадга эга бўлган фильмларда суратга тушиш орқали Жон Траволтанинг рекордини янгилади. Ушбу ноодатий рекордга IndieWire портали эътибор қаратди деб ёзади “Правила жизни” нашри.
Гап шундаки, Тимоти Шаламе бош ролни ўйнаган “Дюна. Иккинчи қисм” (2024 йил, март) ва “Вонка” (2023 йил, ноябрь) фильмлари прокати бутун дунё бўйлаб етакчиликни қўлга киритган. Рекордни ҳисоблашда бош қаҳрамони бўлмаган Marvel олами фильмлари истисно қилинди.
Аввалроқ қисқа вақт ичида иккита фильмда юқори натижаларга эришиш Жон Траволтега насиб қилган. У “Шанба кечасидаги иситма” (1977 йил, декабрь) ва “Бриолин” (1978 йил, июнь) каби фильмларда бош ролни ижро этган ва иккала асар ҳам ўз даврининг энг муваффақиятли фильмларидан бирига айланган.
Ҳозирда актёр Тимоти Шаламе Боб Дилан ҳақидаги “Номаълум инсон” фильмида суратга тушиш ишларида қатнашмоқда. Фильм режиссёри Жеймс Менголд аввал “Форд Феррарига қарши” фильми билан шуҳрат қозонган эди.
“Вонка” бугунги кунда жаҳон прокатида 628 миллион доллардан ортиқ, “Дюна. Икинчи қисм” эса илк ҳафталарда 500 миллион доллардан ортиқ даромад келтирди.
Изоҳ (0)