Нима томоша қилишни билмаяпсизми? Бугун сизга оилавий томоша қилиш учун қизиқарли ва ажойиб фильмларни тавсия қиламиз.
“Вонка”
Рўйхатни Тимоти Шаламе бошлаб беради. Янги фильмда шоколадчи Вилли Вонка ҳақида ҳикоя қилинади. Бир вақтлар унинг улкан режалари бор эди. Кейин у фикрларини ҳақиқатга айлантиришга қарор қилади. Бироқ Вонканинг ширин ижод намуналари харидорларга етиб бориши учун ёш йигит шоколад магнатларига қарши чиқиши керак бўлади.
“Том Сойер хазинаси”
Бир куни уч нафар ўрта мактаб ўқувчилари — Энтони ва унинг дўстлари Том Сойернинг афсонавий хазинасини топишга қарор қилишади. Марк Твеннинг романидаги ишоралар асосида йигитлар саёҳатга чиқишади. Ёш тадқиқотчиларга собиқ саргузаштчи бўлган устози ҳамроҳлик қилади.
“Жосус болалар: Армагеддон”
Суперагентлар Нора ва Терренснинг қудратли компьютер вирусини енгишга кучи етмайди. Энди уларнинг болалари Патти ва Тони айғоқчи бўлишларига тўғри келади. Фақат шу йўл билан улар кучли душманни енгади ва фалокатнинг олдини олади.
“Момиқ қуёнча”
Етти ёшли Уильям ва унинг оиласи бошқа шаҳарга кўчиб ўтишга мажбур. Янги уйда фақат момиқ қуёнгина ёлғизликни енгишга ёрдам беради. Болакай доимо шу ўйинчоғи билан ўйнайди ва биргаликдаги саёҳатлари ҳақида хаёл суради. Аммо тез орада мўжиза содир бўлади: қуёнга жон киради.
“Питер Пен ва Венди”
Бир куни Венди Дарлинг катта бўлишни хоҳламаслигини тан олди. Бир оз вақт ўтгач, кечаси қиз ва укасининг ёнига Питер Пен сеҳргар пари Дин-дин билан келади. Улар болаларни сирли мамлакат — Нетландияга таклиф қилади.
“10 ҳаёт”
Момиқ мушук Беккетт беташвиш ҳаётга ўрганиб қолган. Аммо тез орада унинг кундалик ҳаёти ўзгаради. Мушук бутунлай бошқа ҳайвонларнинг танасига киришига тўғри келади.
“Машҳурлик формуласи”
Ҳар ким 11 ёшли Эрвиннинг билимига ҳасад қилиши мумкин. Вундеркинд бола узоқ вақтдан бери фанлар олимпиадасида ғолиб бўлишни орзу қилади. Бу сафар биринчи ўрин учун у машҳур бўлишига ёрдам берадиган махсус моддани ихтиро қилади.
“Ўргимчак хоним”
Ўргимчак одамнинг спин-оффида “Ўргимчак хоним” ҳақида ҳикоя қилинади. Сюжет марказида ҳамшира Кассандра Уэбб туради. Тўсатдан қиз ўзининг ғайриоддий қобилияти борлигини тушуниб қолади. Тушида у сирли ва хавфли одамни кўради. Энди ўша жиноятчини топиши керак.
Изоҳ (0)