Мушук аёл, ўргимчак одам ёки Вилли Вонка ҳақида гап кетганда қайси кино юлдузини тасаввур қиласиз? Бугун худди шу образларни ўйнаган машҳур актёрларни эслаймиз.
Фуриоса
Шарлиз Терон 2015 йилда жасур Фуриоса образида кўриниш берди. Ўшандан буён “Телба Макс” франшизасининг бир нечта қисми чиқди ва тез орада жангчи ҳақидаги ажойиб приквелни ҳам кўришимиз мумкин. Унда жасур қаҳрамон ролини Аня Тейлор-Жой ижро этган. Айтганча, у ҳамкасби билан персонаж ижроси ҳақида умуман маслаҳатлашмаган.
Мушук аёл
Жасур ва жозибали мушук аёл сифатида танилган Селина Кайл 1940 йилда DC Comics учун Билл Фингер ва Боб Кейн томонидан яратилган. Ўшандан бери 83 йил ўтди ва тор костюмдаги қиз ҳали ҳам энг таниқли қаҳрамонлардан бири. Йиллар давомида у экранда Жули Ньюмар, Ли Меривезер, Мишель Пфайффер, Хелли Берри, Энн Хэтэуэй ва Зои Кравиц томонидан гавдалантирилган.
Вилли Вонка
Шоколад фабрикасининг сирли эгаси образини биринчи бўлиб синаб кўрган актёр Жин Уайлдер эди. Кўп ўтмай, Тим Бёртон эртакнинг фильмга мослашувини суратга олди ва Вонка роли унинг севимли актёри Жонни Деппга насиб қилди. Яқинда Warner Bros. қандолатчи ҳақидаги фильмни қайта экранлаштиришга қарор қилди ва фильмда Тимоти Шаламе бош кино юлдузига айланди.
Ўргимчак одам
Ўргимчак одам бу йил 61 ёшга тўлади. Бу вақт давомида персонажни бошқа актёрлар ҳам ижро этгани ажабланарли эмас. Улар ичида энг машҳур Питер Паркерлар — Том Ҳолланд, Эндрю Гарфилд ва Тоби Магуайр.
Уэнздей
Кўпчилик машҳур Уэнздей сифатида Кристина Риччи ва Женна Ортегани билади. Бироқ рўйхат шу билан тугамайди. 1998 йилда Мортиша ва Гомернинг қизи ролини Николь Фужейр ўйнади, Netflix приквелида эса 10 ёшли Карина Варади ўйнаган ёш Уэнздей ҳам пайдо бўлди.
Изоҳ (0)