Кечқурун бутун оила қизиқарли фильмни томоша қилиш учун йиғилиши ажойиб анъана. Катталарга бу ишдан кейин дам олиш учун яхши машғулот бўлса, болаларга ота ва онаси билан кўпроқ вақт ўтказиши учун ажойиб имконият.
Баъзида яхши фильм топиш учун бир неча соат вақт кетиши мумкин, чунки танланган фильм барчага бирдек ёқиши керак. Қуйида болалар ва катталарга бирдек ёқадиган фильмлар жамланмасини тақдим этамиз.
“Вонка” (2023)
Ўтган йили режиссёр Пол Кингнинг ушбу фильми кўплаб томошабинларга манзур бўлди, машҳур америкалик актёр Тимоти Шаламе картинада бош ролни ижро этгани ҳам унинг муваффақиятини таъминлади.
Фильмда Вилли Вонка — энг мазали ширинликлар сотиладиган шоколад дўкони очишни орзу қилган йигит ҳақида ҳикоя қилинади. Бироқ у рақобатчилар ва фирибгарликлар бўлган шафқатсиз реаллик билан юзма-юз келади. Шунга қарамай, Вонка унга ёрдам берадиган яхши дўстларни топади.
“Кристофер Робин” (2018)
Кристофер Робин бизга Винни Пух ҳақидаги китоблардан яхши таниш. Фильмда аллақачон оилали, сумка ва чамадонлар билан шуғулланадиган компанияда ишлайдиган эркак тасвирланган. У Лондонда яшайди ва қизининг қиммат мактаб интернатга боришини орзу қилади. Бироқ унинг ишлари яхши эмас, Кристофер ҳатто оиласи учун етарли вақт ажрата олмайди. Винни Пух билан учрашгандан кейин Робиннинг ҳаёти кескин ўзгаради: биргаликда улар яна болаликка қайтади.
“Паддингтоннинг саргузаштлари” (2014)
Ушбу оилавий комедия, албатта, сизнинг оқшомингизни мароқли ўтишини таъминлайди. Бир куни гапиришни биладиган айиқ Перудан Англияга келади. Вокзалда у Браунлар оиласи билан танишиб қолади ва оила жониворни уйига олиб кетади. Паддингтонни янги ва қизиқарли ҳаёт кутаётганга ўхшарди, аммо тўсатдан таксидермист бўлиб ишлайдиган аёл ундан музей учун экспонат сифатида фойдаланмоқчи бўлади.
“Дамбо” (2019)
Фильмнинг сюжетига кўра, собиқ черков артисти Ҳолт Фарриэр урушдан кейин ўғли ва қизи учун уйига қайтади, чунки хизмат пайтида у хотинини йўқотганди. Бир куни Ҳолтга илгари ишлаган циркининг эгаси эндигина туғилган фил боласини боқишни таклиф қилади. Болалар ҳам отасига ёрдам беришга қарор қилади. Жониворни Дамбо деб номлашади, у бошқа филлардан катта қулоқлари билан фарқ қиларди. Кейинчалик фил боласи уларнинг ёрдами билан уча олиши маълум бўлади. Бу қобилият цирк раҳбариятини жуда қизиқтириб қўяди.
“Эртаклар олами” (2008)
Бош ролни машҳур америкалик актёр ва комик Адам Сендлер ижро этган. У Скитер Бронсон — бир вақтлар отасига тегишли бўлган меҳмонхонада оддий чилангар бўлиб ишловчи одам ролини ижро этади. Гап шундаки, амакиси ваъда берганига қарамай, бизнесни бошқаришига йўл қўймайди. Бир куни Скитернинг синглиси ундан икки фарзандига қараб туришни сўрайди. Ҳар куни кечқурун онаси уларга эртак айтиб берар эди. Шу сабаб Скитер ҳам жиянлари ухлаб қолиши учун турли хил ҳикояларни ўйлаб топиши керак бўлади ва тўсатдан фантастика ҳақиқатга айланиб, Бронсоннинг ҳаёти ўзгаради.
Изоҳ (0)