Шоу-бизнесда дўстлик бўлмайди, дейишади, аммо бугунги қаҳрамонларимиз бунинг аксини исботламоқда. Қуйида сёмка жараёнида қалин дўст тутинган юлдузлар билан танишамиз.
Зендея ва Тимоти Шаламе
Ҳозирда энг талабгир актёрлардан бири Тимоти Шаламе ва Зендея 2019 йилда “Дюна” фильмини суратга олиш жараёнида илк бор танишишган. Катта тажрибага эга бўлмаган икки ёш актёр Голливуд дунёсига биргаликда қадам ташлади.
Крис Хемсворт ва Тайка Вайтити
Баъзан актёрлик қобилиятини нафақат кинода, балки ҳаётда ҳам ишга солишга тўғри келади. “Тор. Рагнарёк” фильмида Крис Хемсворт ва Тайка Вайтити аслида бир неча йиллик қадрдон эканликларини режиссёрлардан яширган. Тайка сўзларига кўра, у дўсти орқали янги ишга жойлашиб олганини бошқалар билишини истамаган.
Райан Рейнолдс ва Хью Жекман
2009 йилда Райан Рейнолдс ва Хью Жекман билан “Х-одамлар: Ибтидо. Росомаха” фильмини суратга олиш майдонида танишган. Ҳамкасблар тез орада тил топишиб, яқин дўстларга айланган. Улар мунтазам равишда бир-бирларига ҳазил қилиб, миллионлаб мухлисларни қувонтириб юради.
Эмилия Кларк ва Жейсон Момоа
Экранда севишганлар ролини ўйнаган мазкур жуфтлик ҳаётда дўст сифатида бир-бирини ҳурмат қилади. “Тахтлар ўйини” сериали юлдузлари асарнинг биринчи мавсумини суратга олиш жараёнида танишишган.
Лилли Коллинз ва Эшли Пак
“Париждаги Эмили” фильми қаҳрамонлари Лилли Коллинз ва Эшли Пак муносабатлари узоқ йиллик қадрдонлардек гўё. Уларнинг дўстлигига кўпчиликнинг ҳаваси келади:
“Суратга олиш майдонида кўпчилик бизни яқин дугона деб ўйлашган, аслида эса ўша пайт танишганимизга 45 дақиқа бўлган эди. Биз қалбга яқин дўстлик ришталари билан боғланганмиз”, — дейди Эшли.
Милли Бобби Браун ва Ноа Шнапп
Американинг “Жуда ғалати ишлар” илмий-фантастик сериали икки юлдузга катта машҳурлик билан бирга кучли дўстлик ришталарини ҳам келтирди. Агар улар 40 ёшгача бахтини учратмаса, бирга турмуш қуриши ҳақида ҳазил қилишган.
Изоҳ (0)