Голливуд юлдузлари биринчи гонорарини нимага сарфлаган?

Илгари машҳурлар оддий нарсаларни орзу қиларди: кир ювиш машинаси, магнитофон ва фургон. Қуйида юлдузлар ўзларининг биринчи йирик гонорарларини нимага сарфлагани ҳақида маълумот берамиз.

Мэтт Дэймон

1990 йилда “Ўғил” драмаси нафақат Мэтт Дэймонни, балки бутун оиласининг оёққа туришига ёрдам беради. Актёр фильмдан олган 25 минг доллар гонорарини яқинлари учун сарфлаган.

“Акамга машина олиб бердим, онамга докторлик диссертациясини ҳимоя қилишда ёрдам бергандим. Ва бу жуда ажойиб туйғу эди”, — дейди у.

Киллиан Mёрфи

Рок мухлиси Киллиан Mёрфи биринчи гонорарига ҳеч иккиланмасдан мусиқий тизим сотиб олади.

“Ўшанда мен овоз тизими сотиб олгандим, чунки граммофонлар ҳозиргидек ажойиб эмасди”, — дейди “Оппенгеймер” юлдузи.

Эҳтимол, актёр севимли гуруҳи Тhе Beatles’ни кун бўйи тинглаш учун шундай йўл тутгандир.

Тимоти Шаламе

Тимоте Шаламе Disney реклама ролигидан олган гонорарига “New York Niks” баскетбол ўйинига чипта сотиб олиб, кейинчалик бундан афсусланади. У ўйинни эмас, балки машҳур ЛеБрон Жеймсни кўришни орзу қилганди. Аммо ўша йили спортчи Нью-Йоркка эмас, балки Майамига кетади. Ҳафсаласи пир бўлган Тимоти шошилинч тарзда абонементини сотиб юборишга ҳаракат қилган.

Николь Кидман

Николь Кидман биринчи маошига ота-онаси учун кир ювиш машинаси олиб беради, қолган пулига ўзига янги пойабзал харид қилади.

Рами Малек

Маълум бўлишича, Рами Малек кофе ишқибози бўлиб, биринчи гонорарини севимли ичимлигини тайёрлаш учун кофе машинага сарфлаган.

Тейлор Свифт

Энг ноодатий харидни Тейлор Свиф қилади. Карьерасининг бошида “Ярамас қизлар” сериалидаги Регина Жорж каби машина сотиб олади.

“Мактабда менга ёмон муносабатда бўлган барча қизлар Регинанинг фанати эди. Ўшанда мен бу машинани ўша қизларга қарши исён сифатида сотиб олганман”.

Руперт Гринт

Руперт Гринт сеҳргар бўлишидан олдин музқаймоқ сотишни орзу қилган. Биринчи гонорарига у музқаймоқ сотиш учун фургон сотиб олади.

Марго Робби

Фаолиятининг бошида Марго Роббининг онаси кўпинча унга ипотека қарзини тўлаш учун сарфланиши керак бўлган пулни берарди. Онаси Сари Кесслер бунинг эвазига ҳеч нарса сўрамайди, лекин юлдуз ҳар бир қарзини дафтарига ёзиб қўяди.

“Етарлича пул топганимда қарзни тўлиқ тўладим. Мен: “Ойи, энди ипотека ҳақида ташвишланманг, у энди умуман йўқ” деб хурсанд қилганман”, — дейди Марго.