Машҳур актёр ёки хонандаларнинг ижтимоий тармоқларига назар ташласак, улар ҳар куни нималар билан банд эканидан дарров хабардор бўламиз. Улар доимо ўз мақсад ва кейинги режаларини мухлислари билан улашиб боради. Аммо ҳар гастрол сафари ёки сёмка жараёнида юлдузларни қўллаб-қувватлайдиган инсонлар ким? Қуйида таниқли санъаткорларнинг турмуш ўртоқлари билан яқиндан танишамиз.
Рич Пол — хонанда Аделнинг турмуш ўртоғи
Рич Пол болалигидан спорт соҳасида ишлашни орзу қилган. Ҳозирда у Кlutch Sports Group агентлигини бошқаради ва спортчилар манфаатларини ҳимоя қилади. Унинг биринчи мижози машҳур баскетболчи Леброн Жеймс бўлган.
Адел ва Рич Пол уч йилдан бери таниш бўлиб, жуфтлик ўтган йили июль ойида Лондонда унаштирилганини эълон қилган. Улар зиёфатда тасодифан танишиб қолган. 2023 йил охирида улар турмуш қурди ва ҳозирда бахтли ҳаёт кечирмоқда.
Жереми Дюфрен — Лана Дел Рейнинг турмуш ўртоғи
Хонанда Лана Дел Рейнинг эри тимсоҳ овчиси бўлиб ишлайди. Улар муносабатлари ҳақида ҳеч қачон ОАВ га маълумот бермайди ва шахсий ҳаётини сир сақлайди. Дюфрен ва Дел Рей 2019 йилда Аirboat Tours by Arthur компанияси билан экскурсияда танишишган.
Август ойининг охирида уларни хонанданинг концертидан кейин папарацси кўриб қолган. Орадан бир неча ой ўтгач, тармоқларда жуфтликнинг яширинча ўтказилган тўйи видеоси тарқалди. Лана видеога эътироз билдирган бўлса-да, иккинчи ярми ҳақида илиқ фикрлар ёзиб қолдирди:
“Ким нима деса ҳам, Жереми ажойиб инсон. Ва биз жуда бахтлимиз”, деб ёзди қўшиқчи папарацси жойлаштирган видео остига.
Майкл Полански — Леди Гаганинг қаллиғи
Хонанда Леди Гаганинг номсиз бармоғидаги узук биринчи марта апрель ойида папарацсига тушиб қолган эди. Ушбу суратларга хонанда изоҳ беришдан бош тортди, бироқ орадан олти ой ўтгач, у ўзининг турмушга чиқаётгани ҳақидаги хабарларни тасдиқлади: Леди Гага Франция бош вазири Майкл Полански билан унаштирилганини эълон қилди.
Инсайдерлар фикрига кўра, жуфтлик аллақачон тўйга боғлиқ барча режаларни тузиб чиққан ва ҳозирда тўй маросимини Европада ўтказиш масаласини кўриб чиқмоқда.
“У менга туғилган кунимда турмуш қуришни таклиф қилди, ўша кун қаттиқ ҳаяжонда эдим”, дейди Леди Гага.
Майкл Полански узоқ йиллар давомида бизнес ва инвестициялар билан шуғулланиб келмоқда. Унинг асосий лойиҳаси Parker фондидир. Тадбиркорнинг исми бошқа йирик ташкилотлар раҳбарияти рўйхатида ҳам қайд этилган.
Картер Рум — Перис Ҳилтоннинг турмуш ўртоғи
2019 йилдан Перис Ҳилтоннинг шахсий ҳаётида кўплаб бурилишлар бўлди. У бизнесмен Картер Рум билан учрашишни бошлади, орадан бир йил ўтгач, турмуш қуриш таклифини олди. Ҳозирда уларнинг Феникс исмли ўғли ва Лондон исмли қизи бор. Болалар суррогатлик орқали дунёга келган.
“Ўз жуфтингизни топганингизда, сиз буни шунчаки билмайсиз, балки қалбдан ҳис қиласиз”, дейди Перис Картер ҳақида.
Таъкидлаш жоизки, жуфтлик бир-бирини болаликдан таниган, уларнинг оила аъзолари азалдан дўст бўлиб келган. Картернинг ота-онаси ҳам бадавлат оиладан бўлган. Румнинг бойлиги 20 миллион доллар, Ҳилтонники эса 300 миллион долларга тенг бўлишига қарамай, оила бахтли яшайди.
Том Эванс — Никол Шерзингернинг турмуш ўртоғи
Шерзингер собиқ регбичи Скот Эванс билан Тhе Х Factor: Celebrity телекўрсатувини суратга олиш вақтида танишган. Эр-хотин 2020 йилдан учраша бошлаган.
Том Эванс 24 ёшигача Шотландия терма жамоасида регби билан шуғулланган, бироқ жароҳат туфайли жамоани тарк этган. Ҳозирда у турли теледастурларда чиқади ва модел сифатида ишлайди.
Сюзан Дауни — кичик Роберт Даунининг рафиқаси
Роберт Дауни рафиқаси Сюзан билан “Темир одам” фильмидан аввал, “Готика” фильмининг суратга олиш майдончасида танишган. Сюзан фильм продюсерларидан бири бўлган. Икки йиллик муносабатлардан кейин турмуш қуришга қарор қилган жуфтликнинг ҳозирда икки нафар фарзанди бор. Сюзан айни вақтда ҳам продюсерлик фаолиятини давом эттириб, турмуш ўртоғи билан биргаликда янги лойиҳаларни амалга оширмоқда.
Камила Алвес — Метю Макконахининг рафиқаси
Камила Алвес People, Мen’s Vogue ва Bellа каби журналлар учун суратга тушган таниқли моделдир. Бундан аввал у ҳам фаррош, ҳам официант бўлиб ишлаган. Бўлажак турмуш ўртоғи Метю Макконахи билан 2006 йилда танишган.
“Мен Камилани учратган кундан бошлаб бошқа ҳеч ким билан вақт ўтказмаликка қарор қилдим. Биз бир-биримизни қаттиқ яхши кўрамиз ва бунга ҳеч қачон шубҳа қилмаймиз”, дейди актёр рафиқаси ҳақида.
Жуфтлик 2012 йилда турмуш қурган, уларнинг уч нафар фарзанди бор.
Изоҳ (0)