Кумирларимиз ҳар томонлама мукаммал туғилганга ўхшайди, аммо баъзи жиҳатлар борки, улар ҳақида кўпчилик билмайди. Қайси юлдузлар дудуқланишни енгганини ва бу нуқсондан ким ўзининг профессионал хусусиятини яратгани ҳақида маълумот берамиз.
Мерилин Монро
Ўтган асрнинг 50 йилларидаги юлдузи болалигида ёмон дудуқланган. 12 ёшида мактабдаги ўқитувчиси уни спектаклда бош ролни ўйнашга таклиф қилган, унда иштирок этганидан кейин бу камчилиги деярли йўқолган.
Мерилин Голливудга келганида, шифокор унга дудуқланишини юмшатиш учун бир оз тўхтаб гапиришни маслаҳат беради. Кейинчалик бу маслаҳат Мерилиннинг ютуғи бўлди, аммо унинг карьерасидаги сўнгги “Нимадир бўлиши керак” фильмининг суратга олиш пайтида дудуқланиш сезиларли даражада кучаяди, чунки Монро ҳаётининг ўша даврида доимий стрессни бошдан кечирган.
Брюс Уиллис
“Ўтда ёнмас” фильми юлдузи болалигида дудуқланиши туфайли синфдошлари томонидан камситилган. Кичкина Брюс беш дақиқа давомида битта жумлани талаффуз қила олмасди, аммо актёрлик унга бу касалликни енгишга ёрдам берди.
Энтони Хопкинс
“Қўзилар сукунати” ва “Ганнибал” фильмлари юлдузи ўсмирлик даврида нафақат дудуқланиш, балки дислексия (ўқиш қобилиятининг бузилиши) туфайли ҳам тенгдошлари томонидан масхара қилинган.
Шундан сўнг Энтони ўз ҳаётини мулоқот қобилиятларидан фойдаланишга ҳожат қолмайдиган ишга бағишлашга қарор қилади ва расм чизишни бошлайди. Аммо армиядан кейин актёр Лондон Драматик санъат академиясига ўқишга киради, у ерда ролларни ёдлаш ва тез-тез такрорлаш амалиёти ёрдамида бу нуқсонидан қутилади.
Жо Байден
Америка Қўшма Штатлари президенти узоқ вақт дудуқланишдан азият чеккан. ўн ёшли мактаб ўқувчиси сифатида у ўз фамилиясини талаффуз қила олмасди ва фақат “бай” деб биринчи бўғинни такрорларди (инглиз тилида “бе-бе”), шунинг учун унинг тахаллуси “бай-бай”, яъни “хайр” эди.
Сиёсатчи ўттиз ёшга тўлганида овоз чиқариб ўқиш ва кўзгу олдида шеър ёдлаш ёрдамида бу камчилигини енгишга муваффақ бўлади.
Жулия Робертс
Актрисанинг дудуқланиши мерос бўлиб ўтган, чунки унинг акаси Эрик ҳам бу нуқсондан азият чеккан. Бу касаллик Жулия ва Эрикни ўз онаси ташлаб кетганидан кейин пайдо бўлган. Ўгай онаси эса уларни логопедга олиб борган.
Логопед болаларга имкон қадар тез-тез қўшиқ айтишни ва суҳбатлашишни маслаҳат беради. Интервьюларида Жулия бу мавзуни эслашни ёқтирмаслигини, болалигида нутқида муаммолар борлигини ҳатто хаёлига ҳам келтирмаганини айтади.
Роуэн Аткинсон
“Жаноб Бин” фильми юлдузи ҳали ҳам дудуқланиб гапиради. Унинг фикрича, “бу камчилик ролга жуда мос келади”, чунки унга дудуқланишни кулгили шаклга айлантириш осонроқ ва ҳеч ким Аткинсон болалигидан дудуқланиб юрганини хаёлига ҳам келтирмайди.
Элвис Пресли
10 ёшида онаси Элвисни шу нуқсони туфайли черковдаги хорга беради ва бир неча ой ўтгач, руҳоний уни мусиқа танловига юборади. Элвис танловда ғолиб бўлади. Кейинчалик машҳур бўлиб кетган Элвис “Т” ва “Г” ҳарфларини талаффуз қилишда қийналганини тан олади.
Никол Кидман
Болалигида Кидман одамови ва уятчан қиз бўлган, шунинг учун у кўп мулоқот қилмаган. Қизига ёрдам бериш учун Николнинг онаси уни балет мактабига беради. У ерда қиз нафақат нафис рақсга тушади, балки ўз қаҳрамонларини саҳнада жуда ижодий тарзда намойиш этади.
Шундай қилиб, рақс санъати Голливуд юлдузини нафақат одамовиликдан, балки дудуқланишдан ҳам қутқаради.
Хью Грант
Хью ўз интервьюсида ҳаётидаги бу қийин даврни “шунчаки ўтказиб юборганини”, ҳатто матнларни ёдлашга, қўшиқ куйлашга ва тинимсиз суҳбатлашишга ҳаракат қилмаганини айтади.
Бироқ Грантнинг баъзи мухлислари унинг суҳбатларида баъзида ўзига хос дудуқланиш сезилишини, бундай пайтда у сўзларини янада юмшоқроқ талаффуз билан пауза қилишини таъкидлашади.
Изоҳ (0)