Машҳурлар ва бадавлат актёрларнинг аксарияти овқатланиш тартибига қатъий риоя этади ва бу масалага доимо масъулият билан ёндашади. Шунинг учун айрим турдаги маҳсулотларни рациондан бутунлай олиб ташлайди. Ушбу мақолада шоу-бизнес оламининг машҳур намоёндалари ёқтирмаган ва доимо чеклаган маҳсулотлар ҳақида сўзлаб берди.
Ҳейли Бибер
Америкалик модел ва тадбиркор Ҳейли Бибер одатда овқат танламайди. Балки ҳомиладорлик унга ўз таъсирини ўтказгандир. Ҳозирда Ҳейли умуман емайдиган кўкат бор — бу кориандр (кашнич). Бибер ундан шунчалик нафратланадики, у ресторанда буюртма қилган барча салатларни диққат билан текшириб чиқади.
Кендалл Женнер
“Кардашянлар оиласи” реалити шоуси иштирокчиси ва америкалик модел Кендал Женнер бананни умуман ёқтирмайди. Маълум бўлишича, болалигида унинг отаси ҳар куни ва мунтазам банан ер, меванинг ҳиди эса Кендаллнинг кўнглини бузадиган даражага келар эди.
“Дадам ҳар куни банан ери: Кайли билан мени мактабга олиб борганида ҳам, бизни уйга олиб кетганида ҳам, голф ўйнаганида ҳам... шу сабабли унинг ҳиди асабимни қўзғай бошлайди”, дея тан олади Женнер.
Кортни Кардашян
Кортни хонадонида бир неча йиллардан бери сув тақиқланган. Аниқроғи, пластик бутилкалардаги сув харид қилиш мумкин эмас. Кардашян бу қарор орқали атроф-муҳитни муҳофаза қилишни мақсад қилган. Бу масалада у ҳатто синглиси Ким билан жанжаллашиб қолган.
Зендея
“Дюна” фильми юлдузи Зендея бир неча йил аввал гўшт емай қўйган. Вегетериан бўлиш унчалик қийин иш бўлмаса-да, актрисага бу қарор осон кечмади. Чунки Зендея сабзавотларнинг аксариятини ёқтирмайди, аммо аччиққина лапшага йўқ демайди.
“Мен сабзавотларни ёқтирганим учун эмас, балки ҳайвонларни яхши кўрганим ва уларга раҳмим келгани учун вегетариан бўлишни танладим”, дейди актриса.
Мила Кунис
Голливуд актрисаси Мила Кунис болалигида Америкага кўчиб ўтгандан сўнг, унинг оиласи бир неча йил давомида молиявий қийинчиликларни бошидан ўтказди. Шунинг учун актриса деярли ҳар куни пицца истеъмол қилган (АҚШда пицца энг арзон кўча таомларидан бири ҳисобланади).
“Фарзандларимнинг бари пиццани севиб истеъмол қилади, турмуш ўртоғим ҳам яхши кўради. Аммо менда аксинча.
Хлойи Кардашян
Тадбиркор ва бизнес-леди Хлойи Кардашян ҳам вегетарианлик томон аста қадам ташламоқда, хусусан, у чўчқа гўштидан бутунлай воз кечди. Унинг сўзларига кўра, бир марта чўчқа гўшти егандан кўра бир неча килограммга семирган афзал.
Тайра Бенкс
Америкалик модел ва шоу бошловчиси Тайра Бенкс дўстларининг айтишича, у денгиз чиғаноқларини ҳеч қачон емайди. Супермоделнинг ноодатий денгиз маҳсулотларига сира хуши йўқ.
Изоҳ (0)