Баъзан фарзандлар улғайгач, ота-она касбини давом эттиришдан бош тортади ва мутлақ бошқа соҳада фаолият юритади. Қуйида юлдузлар оиласида туғилганига қарамай, одатий касбни эгаллаган 8 нафар машҳурлар фарзанди билан танишамиз.
Брюс Спрингстин
Америкалик хонанда Брюс Спрингстиннинг ўғли Сэм афсонавий рок мусиқаси қироли бўлган отасининг йўлидан бормай, давлат ишида ишлашга қарор қилди. 2020 йилдан Сэм Жерси шаҳрида ўт ўчирувчи сифатида ишлаб келмоқда.
Ҳаррисон Форд
Актёр Ҳаррисон Форднинг ўғли Бен ошпаз сифатида ишлайди. Унинг хусусий ресторанлари ҳам бор. Бен Голливуднинг диққат марказида бўлиш ўрнига Ford’s Filling Station номли ресторанлар тармоғига асос солди.
Пол Маккартни
Британиялик машҳур қўшиқчи Пол Маккартнининг қизи Ҳизер кулолчилик ва дизайн соҳасида ишлайди. Ота-онасининг мусиқа саноатидаги шон-шуҳратига қарамай, Ҳизер кулолчилик касбини ўзлаштирди.
Уиллем Дефо
Америкалик актёр Уиллем Дефонинг ўғли Жек давлат сиёсатини ўрганган ва мазкур соҳа бўйича тадқиқотлар олиб боради. У жамиятнинг барқарор ривожланишга ёрдам берувчи турли ташкилотлар билан ишлайди.
Николь Кидман ва Том Круз
Никол Кидман ва Том Крузнинг ўғли Коннор пазандалик соҳасида ишлайди. У Cоnnor’s Meat Shack номли барбекю тайёрлайдиган ресторанни бошқаради.
Том Ҳэнкс
Том Ҳэнкснинг қизи Элизабет Энн Ҳэнкс юртида ёзувчи сифатида ҳурмат қозонган. У таниқли нашриётларда ишлаган ва ўзининг илк романини ёзган.
Анна Винтур
Британиялик журналист, 1988 йилдан бери Vogue журналининг бош муҳаррири Анна Винтурнинг ўғли Чарльз Шаффер психиатр бўлиб ишлайди. У болалигидан тиббиёт соҳасига қизиққан ва онасидан фарқли карьерани танлаган.
Ҳовард Стерн
Америкалик радио ва телебошловчи Ҳовард Стерннинг қизи Эшли Жейд Стерн ҳамширалик касбини танлаган.
Изоҳ (0)