Баъзи машҳурлар бахт сукунатни яхши кўради, деган қоидага амал қилади. Улар энг яқин инсонлари даврасида камтарона тўй ўтказишади ва ҳатто бу ҳақда оммага маълум қилишни истамайди. Қуйида шу каби яширинча турмуш қурган машҳурлар ҳақида маълумот берилади.
Дилан Спроус ва Барбара Палвин
Жуфтлик яқинда беш йиллик муносабатлардан сўнг турмуш қурди. Барбара Палвин Венгрияда оддий тарзда тўйини ўтказишни режалаштирган эди, бироқ маросимда 115 киши иштирок этди. Бу рақам Голливуд стандартлари бўйича кам ҳисобланмайди. Жуфтлик тўйга фақат яқин дўстлари ва қариндошларини таклиф қилган, шунинг учун оммавий ахборот воситалари тўй санасини билмаган.
“Бу камтарона тўй бўлиши керак эди, бироқ атрофимизда яхши кўрадиган инсонларимиз жуда кўп ва биз уларнинг ҳаммаси у ерда бўлишини хоҳладик”, — дейди модел.
Барбара синглиси Анита билан зиёфат уюштирди. Дилан Спроус ташкилий ишларда иштирок этмаган, бироқ хурсанд бўлган.
“Йўлакчада юришимиздан олдин асабий эдик, бироқ бир-биримизни кўришимиз биланоқ кула бошладик ва бу асабларимизни тинчлантирди. Кейин иккаламиз ҳам йиғлаб юбордик”, — дейди Палвин.
Зоэ Салдана ва Марко Перего
“Аватар” фильми юлдузининг актёр билан ишқий муносабатлари тез ривожланди. Жуфтликнинг муносабати 2013 йилнинг май ойида муҳокама қилина бошлади ва орадан уч ой ўтгач, Зоэ Салдана ва Марко Перего Лондонда турмуш қурди. Папарацсилар уларнинг қўлидаги никоҳ узукларини пайқамагунча, ҳеч ким маросим ҳақида билмаган эди.
“Мен жуда эҳтиёткор инсонман, шунинг учун яширинча тўй ўтказишга қарор қилганимда, ҳамма нарсани тўғри бажараётганимни ҳис қилдим”, — деган Салдана.
Аня Тейлор-Жой ва Малколм Макрей
2022 йилнинг июль ойида актриса кутилмаган ишни амалга оширди. Аня Тейлор-Жой бир йиллик муносабатларидан кейин хонанда Малколм Макрей билан турмуш қурди. Журналистлар маросим АҚШ суд биносида бўлганини аниқлаган. Шундан сўнг актриса “Телба Макс” преквелида суратга тушиш учун Австралияга учиб кетган. Маълумот ўрнида, Аня лойиҳада Фуриоса ролини ўйнаган. Манбаларнинг таъкидлашича, жуфтлик келажакда ажойиб байрам уюштиришни режалаштиришмоқда.
Женнифер Лопес ва Бен Аффлек
Женнифер Лопес ва Бен Аффлек 2022 йилнинг июль ойида турмуш қурди. Уларнинг никоҳ маросимида жуда кам инсон иштирок этган. Жуфтлик Лас-Вегасдаги кичик ибодатхонада никоҳдан ўтган ва актриса кичик тадбир асосий байрамга тайёргарлик эканлиги ҳақида гапирган.
Орадан бир ой ўтгач, Бен Аффлекнинг уйида машҳур меҳмонлар иштирокида катта зиёфат бўлди.
Канье Уэст ва Бянка Цензори
Йил бошида Ким Кардашян ва Кане Уэстнинг муносабатлари ҳақидаги хабарлар кенг муҳокама қилинди. Бир оз вақт ўтгач, рэпер ёрдамчиси ва Yeezy дизайнери Бянка Сензори билан турмуш қураётгани ҳақида миш-мишлар тарқалди. Инсайдерларнинг маълумотига кўра, жуфтлик ҳали расман турмуш қурмаган.
Эшли Олсен ва Луис Эйснер
2022 йилнинг охирида эгизак Олсенлардан бири турмушга чиқди. Эшли 2017 йилдан бери муносабатда бўлган рассом Луис Эйснер билан турмуш қурди. Маросим Лос-Анжелесдаги саройда бўлиб ўтди ва унда 50 киши иштирок этди.
Изоҳ (0)