Машҳурлар оламшумул шон-шуҳратга эришишдан олдин қандай ишлар билан шуғулланганини билиб оламиз.
Бенедикт Камбербетч — инглиз тили ўқитувчиси
Қизиғи шундаки, актёр фильмларда суратга тушишдан олдин инглиз тилидан дарс берган. Бенедикт 19 ёшида цивилизациядан узоқда жойлашган кичик Тибет қишлоғига бориб, зах кулбада 4 соат ухлаб, бемаза бўтқа еб, ўша ердаги маҳаллий роҳибларга инглиз тилини ўргатади. Тоғдаги саргузашт деярли олти ой давом этади.
Кейинчалик Камбербетч парфюмерия дўконида сотувчи бўлиб ишлайди. У ҳаётда ўз ўрнини топиш учун шошилмасликка ва ўзини тинглашга ҳаракат қилади.
Жорж Клуни — аёллар пойабзал и сотувчиси
Отаси телевидение юлдузи, энг юқори рейтингли шоуларнинг бошловчиси, онаси бир нечта гўзаллик танловлари ғолиби, амакиси “Оскар” совриндори, холаси ХХ аср ўрталарида машҳур қўшиқчи бўлган Жорж Клуни аёллар пойабзал и дўконида сотувчи бўлиб узоқ вақт ишлагани ҳайратланарли, албатта.
Аслида, у журналист бўлиш учун ўқиган, лекин у тиришқоқ талаба эмасди. Қолаверса, Клуни фильм кастингидан ўтгунга қадар нимага қобилияти бор эканлигини ҳам билмасди. Отаси уни актёр бўлишдан қайтариш учун жуда кўп ҳаракат қилади. Жоржга суратга олиш муҳити ёқиб қолгани сабабли сўзида қатъий туриб олади.
Женнифер Энистон — официант ва курьер
11 ёшида отаси Жон Энистоннинг муваффақиятли кино карьерасига ҳавас қилган Женнифер ҳам актриса бўлишга қарор қилади. У мунтазам равишда драма тўгарагига қатнашади, кейин Нью-Йорк актёрлик мактабига ўқишга киради. Кундалик харажатлари учун Жен официант ва курьер бўлиб ишлаган, шу билан бирга, кастингларда қатнашган.
Актриса ёмон ходим бўлганини тан олади: у идиш-товоқларни синдирар, буюртмаларни унутиб қўярди — худди қаҳрамони Рейчел Грин каби. Унинг фикр-у хаёли актрисаликда бўлган.
Женнифер Лопес – юрист ёрдамчиси
Голливудни забт этишдан олдин Жей Ло қисқа муддат юридик фирмада котиба бўлиб ишлаган. Раҳбари Томас Лавигне унинг ўз ишига шу қадар синчковлик билан ёндашишини таъкидлаган ҳолда, Женнифер бу соҳада ўз ўрнини топиши мумкин эди, дейди.
Силвестр Сталлоне — ҳайвонот боғида фаррош
Сталлоненинг ҳаёти — Америка орзусига эришиш йўлининг айнан ўзи. Юзининг ярми шол бўлган одам Сталлонега ўхшаб ўжар бўлмаса, актёр бўлиши қийин. Қандайдир мўжиза билан у Майамидаги Драматик санъат академиясини тамомлайди, ҳатто театрга ҳам ишга киради.
Силвестр Голливуд юлдузи бўлишнинг машаққатли йўлини босиб ўтади: у кинотеатрда чипта сотувчиси, барларда қоровул бўлиб ишлаган, ертўлада ўтказиладиган рингларда қатнашган, ҳайвонот боғида йўлбарс ва шер қафасларини тозалаган. Охирги иши учун соатига бир доллар олган. Уч ҳафта давомида у бекатда тунаб қолади, чунки ижара ҳақини тўлашга пули бўлмайди. Ўша пайтлар ёш актёрнинг аҳволи шунчалик ёмон эдики, у 200 доллар эвазига рол ўйнашга рози бўлади. “Рокки” фильмининг муваффақиятидан сўнг гонорари сезиларли даражада ошади.
Тейлор Свифт — боғбон
Хонанданинг айтишича, дўстлари табиат билан бевосита мулоқот қилгани учун уни элф деб аташган. Хаёлпараст ва қизиқувчан Тейлор дарахтларга чиқар, қуш уялари ва ковакларни томоша қилар ва ялангоёқ юришни яхши кўрарди.
Қиз фермада ўсган ва дала ишларида чиниққан, шунинг учун у болалигида ўрмон хўжалигида ярим кунлик ишда ишлаган. У ерда арча кўпайтирилган, Свифтнинг вазифаси эса дарахтлардан бешиктебратар личинкаларини йиғиш эди.
Изоҳ (0)