Мухлислар учун машҳурларнинг шахсий ҳаёти, яшаш тарзи ҳақидаги маълумотлар доимо қизиқ бўлиб келган. Баъзи юлдузлар қандай хонадонда яшашлари, уйнинг ички интерьери ва боғлари ҳақида маълумотларни фанатларидан яширмайди. Қуйида кўпчиликнинг орзусидаги уйларга эга юлдузлар ва уларнинг боғларига виртуал ташриф буюрамиз.
Камерон Диас ва унинг Беверли Ҳиллсдаги хонадони
Камерон Диас ва унинг турмуш ўртоғи, Good Charlotte гуруҳи гитарачиси Бенжи Медден Беверли Ҳиллсдаги 18 миллион долларлик мўжаз уйда истиқомат қилади. Бино ХХ асрнинг ўрталарида қурилган бўлиб, нейтрал оқ рангли классик дизайнда реставрация қилинган. Уйнинг боғи кенг бўлиб, бепоён майсазорлар, ям-яшил буталар ва баланд дарахтлардан иборат.
Юлдузли жуфтликнинг янги уйи қўриқланадиган ҳудудда ва қалин дарахтзорлар орасида жойлашган бўлиб, папарацциларнинг машҳурлар тинчини бузишга ҳеч қандай имкони қолмаган.
Уйнинг орқа ҳовлисида замонавий патио — очиқ ҳавода дам олиш зонаси ташкил қилинган. У ерда антик услубдаги тошлардан ясалган фаввора боғга янада кўрк бағишлайди.
Женнифер Лопеснинг Бель-Эйрдаги саройи
2023 йил май ойида актриса ва хонанда Женнифер Лопес ва унинг турмуш ўртоғи Бен Аффлек Калифорнияда янги уй харид қилди.
Бундан бир оз аввал юлдузли жуфтлик Лос Анжелеснинг ғарбий қисмида жойлашган Бель-Эйр туманидаги хонадонни сотувга қўйди. Мазкур эълон уйнинг ҳашаматли интерьерини ҳамда замонавий ландшафт дизайнининг барча қоидаларига мувофиқ ташкил этилган ажойиб боғни кўриш имкониятини берди:
Наоми Уотсга тегишли коттеж
Қишлоқдаги уйлар кўринишидаги ажойиб хонадон Ист Ҳемптон шаҳарчасининг Лонг-Айленд жанубий қирғоғида жойлашган. Мазкур уйни Наоми Уотс турмуш ўртоғи Лев Шрайбер билан биргаликда 2007 йилда харид қилган. Хонадон анъанавий дизайнга эгалиги ва пляжга яқин ҳудудда жойлашгани ҳамда атроф тўлиқ яшил зонадан иборат бўлгани учун жуфтликка мазкур уй маъқул келган.
Марго Роббининг оқ саройи
Актриса Марго Робби ва унинг турмуш ўртоғи, режиссёр Том Акерли Лос-Анжелеснинг энг қадимий ва ҳурматга сазовор ҳудудида жойлашган мазкур уйга 2017 йилда кўчиб келган.
Баланд дарахтлар ва яшил боғлар билан ўралган классик услубдаги оқ сарой гарчи катта ҳажмда бўлмаса-да, юлдузларга жуда ёққан ва тўйдан сўнг улар ушбу уйда ҳаёт кечиришни бошлаган. Хонадон Лос-Анжелеснинг анъанавий услубида қурилган бўлиб, бинонинг майдони 300 квадрат метрни ташкил этади.
Опра Уинфрининг япон услубидаги боғга эга Вашингтондаги уйи
Америкалик телебошловчи, актриса ва жамоат арбоби Опри Гейл Уинфри боғдорчиликка алоҳида меҳр қўйган юлдузлардандир. У узоқ йиллар давомида турли навдаги атиргулларни етиштиради. Опранинг Гавайида шахсий фермаси мавжуд, у ерда бошловчи турли сабзавот ва меваларни етиштиришни яхши кўради.
Унинг Вашингтон штати, Оркас оролида жойлашган табиат қўйнидаги уйи алоҳида эътиборга сазовор. Уйнинг боғида юзлаб турдаги ўсимликлар, мевали дарахтлар ҳамда япон услубидаги алоҳида ҳудудлар ҳам мавжуд. У ерда тропик ўсимликлар, узоқ мамлакатлардан келтирилган ноёб дарахтлардан иборат боғ уйга янада кўрк бағишлайди.
Изоҳ (0)