Украинага 1,4 миллиард евро миқдоридаги биринчи траншнинг берилиши мамлакатга ҳарбий ёрдамни кучайтиради. Бу ҳақда Европа иттифоқининг ташқи ишлар ва хавфсизлик сиёсати бўйича олий вакили Жосеп Боррель Х ижтимоий тармоғида ёзди.
“Европа Иттифоқининг ҳарбий ёрдами 44 миллиард еврони ташкил этади. 1,4 миллиард евро миқдоридаги биринчи траншнинг амалга оширилиши бизга яқин келажакда ҳарбий ёрдамни кучайтиришга имкон беради”, дея қайд этди Боррель.
Бугун Европа иттифоқи мамлакатлари ташқи ишлар вазирлари Европа тинчлик жамғармаси орқали Украинага ҳарбий ёрдам бериш масаласини муҳокама қилиш учун Люксембургда йиғилди.
Аввалроқ Германия, Бельгия, Дания ва Норвегия 2024 йил охиригача Украинага 1,4 миллиард евролик ёрдам пакетини тақдим этиши ҳақида хабар берилганди.
Изоҳ (0)