Европа Иттифоқининг ЭУМАМ ўқув миссияси доирасида 50 минг украиналик ҳарбий хизматчи ўқитилди ва ёз охирига келиб уларнинг сони 60 мингга етади. Бу ҳақда Европа дипломатияси раҳбари Жосеп Боррел маълум қилди.
Украина кўпроқ одамларни сафарбар қилиши керак экан, унга кўпроқ таълим имкониятлари керак бўлади. Европа Иттифоқи ЭУМАМ миссиясини кенгайтиришга тайёр, — деди Боррел Европа Иттифоқи мудофаа вазирлари йиғилишидан кейин ўтказилган матбуот анжуманида.
Унинг сўзларига кўра, ўқув салоҳиятни ошириш бўйича консенсус ортиб бормоқда, лекин бунга эришишга ишонч ҳосил қилмагунча, янги рақамни эълон қилмайди. У учрашувда ўқув миссиясини Украинага қисман ўтказиш мавзусини ҳам муҳокама қилган, бироқ бу масала бўйича аниқ умумевропа позицияси йўқлигини таъкидлаган.
Ғарб қуроллари билан Россия ҳудудига зарба бериш ҳақида мунозара
Европа Иттифоқи Украинанинг Россия ҳудудидаги ҳарбий нишонларга ҳужум қилиш учун Европа Иттифоқи давлатлари томонидан берилган қуроллардан фойдаланиши жоизми ёки йўқлиги борасида бир фикрга эга эмас.
Агар бу мутаносиб равишда амалга оширилса, бу халқаро ҳуқуқ бўйича қонуний ҳаракат эканлиги аниқ, аммо бу ҳар бир алоҳида давлат учун қарор бўлиб, у мустақил равишда жавобгарликни ўз зиммасига олиши керак, — деди Жосеп Боррел.
Сиёсатчига кўра, ЕИ мамлакатлари орасида бунга кескин қарши бўлганлар ҳам, бошиданоқ Киевни бундай шартсиз қурол билан таъминлаганлар ҳам, яқинда қурол қўллаш бўйича ҳудудий чекловни олиб ташлашга рози бўлганлар ҳам мавжуд. Боррелл бундай давлатлар сони ва қайси тоифалар кўпчиликни ташкил этишини айтмасликни маъқул кўрган.
Унинг таъкидлашича, бу ҳолат Россияга яққол устунлик беради, бироқ ЕИ ўз аъзоларига Украина учун ҳудудий чекловни олиб ташлаш ёки олиб ташламасликни буюрмаслигини таъкидлаган.
Изоҳ (0)