Украина Канададан 400 миллион Канада доллари (290,5 миллион доллар) миқдорида қўшимча кредит олади. Бу ҳақда Украина Молия вазирлиги сайтида хабар берилди.
“Бугун, 11 октябрь куни Украина молия вазири Сергей Марченко Канада ҳукумати билан 400 миллион Канада доллари миқдорида қўшимча кредит олиш бўйича тўртинчи қўшимча келишувни имзолади”, дейилади матнда.
У 10 йил муддатга берилади, фоиз ставкаси йилига 1,5 фоиз. Имтиёзли давр — маблағлар олинган кундан бошлаб 4,5 йил.
Сергей Марченконинг таъкидлашича, “Канада Украинани қўллаб-қувватлаш бўйича етакчилардан бири бўлиб, 2022 йилнинг февраль ойидан буён 5 миллиард доллардан ортиқ маблағни мамлакатга йўналтирган”.
Изоҳ (0)