Ukrainaga 1,4 milliard yevro miqdoridagi birinchi transhning berilishi mamlakatga harbiy yordamni kuchaytiradi. Bu haqda Yevropa ittifoqining tashqi ishlar va xavfsizlik siyosati bo‘yicha oliy vakili Josep Borrell X ijtimoiy tarmog‘ida yozdi.
“Yevropa Ittifoqining harbiy yordami 44 milliard yevroni tashkil etadi. 1,4 milliard yevro miqdoridagi birinchi transhning amalga oshirilishi bizga yaqin kelajakda harbiy yordamni kuchaytirishga imkon beradi”, deya qayd etdi Borrell.
Bugun Yevropa ittifoqi mamlakatlari tashqi ishlar vazirlari Yevropa tinchlik jamg‘armasi orqali Ukrainaga harbiy yordam berish masalasini muhokama qilish uchun Lyuksemburgda yig‘ildi.
Avvalroq Germaniya, Belgiya, Daniya va Norvegiya 2024-yil oxirigacha Ukrainaga 1,4 milliard yevrolik yordam paketini taqdim etishi haqida xabar berilgandi.
Izoh (0)