Украинадаги урушдан сўнг Россия ўзининг “империалистик экспансионизмини” Эстония, Латвия, Литва ва Польшага йўналтириши мумкин. Бу ҳақда Литва президентининг миллий хавфсизлик бўйича маслаҳатчиси Кястутис Будрис Дефендинг Балтиcс конференциясида маълум қилди.
Будриснинг айтишича, агар Беларусь Иттифоқ давлати деб номланувчи тузилманинг тўлиқ аъзосига айланса, бундай сценарийнинг эҳтимоллиги ортиб боради.
“Украина бизга бир неча йил вақт беради. Агар Россия Украинада ғалаба қилса, бизда Лвовда битта, Брестда битта ва Гроднода битта рус дивизияси пайдо бўлади”, деди Польша бош штаби бошлиғи Раймунд Анжейчак.
Унинг сўзларига кўра, агар Россия қўшинлари Литва билан чегарадан ўца, “тезкор жавоб” бўлади.
“Биринчи куни эмас, биринчи дақиқаданоқ. 300 километр радиусдаги барча стратегик объектларга зарба берамиз. Биз тўғридан тўғри Санкт-Петербургга ҳужум қиламиз”, деди Анжейчак.
У Европа давлатлари “ташаббусни ўз қўлига олиши”, Россияга Польша ёки Болтиқбўйи мамлакатларига ҳужум қилиш умумий қарама-қаршиликнинг бошланиши бўлишини тушунтириши кераклигини айтди.
Польша ҳозирда 900 километргача узоқликка ета оладиган 800 та ракета харид қилмоқда. Улар Россия ҳужум қилган тақдирда ишлатилади.
“Биз НАТОнинг айрим пойтахтларида бешинчи моддани қўллаш ёки қўлламаслик ҳақидаги қарорни кутиб ўтирмасдан, ўзимиз зудлик билан жавоб зарбасини беришга қодир бўлишимиз лозим”, деди Литва армияси қўмондони Раймундас Вайкшнорас.
Изоҳ (0)