Европа Иттифоқи Украинага ҳарбий инструкторларни юбориш имкониятини муҳокама қилмоқда.
El Pais нашрига кўра, Европа Иттифоқи Украинани қўллаб-қувватлаш сиёсатида “сакраш” қилишни режалаштирмоқда. Хосеп Боррел раислигидаги Европа дипломатик хизмати Украинанинг ҳаво ҳужумидан мудофаа тизимини мустаҳкамлаш ва илғор қуролларни харид қилиш учун ажратиладиган маблағни оширишга ёрдам бермоқчи.
“Бу ёрдам ракеталар ва жанговар самолётларни етказиб беришдан иборат”, — дейилади дипломатик хизмат ҳужжатида.
Бундан ташқари, ЕИ ҳозирда Германия ва Польшада жойлашган ҳарбий базаларда Украина қўшинларини тайёрлаш бўйича Европа миссиясини кенгайтирмоқчи. Вазият имкон берса, мазкур базани ҳам Украинага кўчириш режалаштирилган.
Дипломатик хизмат ҳужжатида Украина олдидаги “хавфсизлик мажбуриятлари” ҳам кўрсатилган. Европа Иттифоқи Украина армияси томонидан олинган ускуналарни таъмирлаш, миналардан тозалаш, гибрид таҳдидлар, дезинформацияга қарши курашиш учун киберхавфсизликни қўллаб-қувватлашда ёрдамни кучайтирмоқчи.
Яқинда Украина Қуролли кучларининг ҳарбий хизматчилари Германияда Abrams танкларини бошқариш бўйича ўқитила бошланди. У ерга 400 киши юборилди, улар икки гуруҳга бўлинган.
Швеция эса украиналик учувчиларга JАS 39 Gripen самолётини қандай бошқаришни ўргатади. Буюк Британияда F-16 қирувчи самолётларини бошқариш бўйича машғулотлар бошланиши кутилмоқда.
Изоҳ (0)