Германия, Бельгия, Дания ва Норвегия 2024 йил охиригача Украинага 1,4 миллиард евролик ёрдам пакетини тақдим этади. Бу ҳақида Германия канцлери Олаф Шольц хабар қилди.
Унга кўра, Берлин ҳаво ҳужумидан мудофаа тизимларини Киевга етказишга эътибор қаратади.
“Янги ёрдам IRIS-Т ва Skynех ҳаво ҳужумидан мудофаа тизимлари, танклар, зирҳли машиналар, ҳужумчи дронлар, радарлар ва артиллерия снарядларини етказиб беришни ўз ичига олади”, деди Шольц Украина президенти Владимир Зеленский билан Берлинда бўлиб ўтган анжуманда.
“Германия томони аввалдан ваъда қилинган 600 миллион евро миқдоридаги ёрдам пакетини ҳам топширди”, дея қўшимча қилди Германия канцлери.
Август ойида немис оммавий ахборот воситалари Берлин Киевга ҳарбий ёрдамни камайтиришга мажбур бўлганини ёзган эди. Чунки жорий бюджетни режалаштиришни ҳисобга олган ҳолда, бу мақсадлар учун янги маблағлар берилмаган. Аниқлик киритилишича, тасдиқланган таъминот амалга оширилади, аммо Олаф Шольц қарори билан Германия Мудофаа вазирлигининг қўшимча аризалари қаноатлантирилмайди.
Изоҳ (0)