Европа Иттифоқи мамлакатлари мудофаа вазирлари Брюсселдаги норасмий учрашувда Украина армияси учун қўшимча 20 минг аскар тайёрлашга келишиб олди, деди Европа дипломатияси раҳбари Жосеп Боррел матбуот анжуманида.
“Украина армияси учун 40 минг аскар тайёрлаш миссиясини деярли якунладик. Энди биз бу рақамга яна 20 минг аскар қўшишга келишиб олдик, шунинг учун ёз охиригача жами 60 минг аскар тайёрланади”, — деди у.
ЕИ кенгаши ноябрь ойи охирида Украинага ҳарбий ёрдам миссияси доирасида украиналик ҳарбий хизматчиларни тайёрлаш учун 194 миллион евро миқдорида қўшимча маблағ ажратишга қарор қилди.
“Бундай ёрдам Европа Тинчлик Жамғармаси (EPF) орқали зарур асбоб-ускуналар ва материаллар, шунингдек, ўқув фаолиятини қўллаб-қувватлаш хизматлари кўринишида тақдим этилади”, — дейилади кенгаш баёнотида.
Ушбу қарорнинг мақсади “Украина қуролли кучларининг эҳтиёжларидан келиб чиққан ҳолда ва ўқув дастурининг ўсиб бораётган ҳажми ва мураккаблигини ҳисобга олган ҳолда, Украина қуролли кучларининг салоҳиятини ошириш” экани таъкидланган.
Изоҳ (0)