Thomson Reuters асос солган ахборот сайти 1995 йилдан бери истеъмолчилар учун бепул эди. Сайт пулли бўлиш арафасида.
Глобал янгиликлар сайти ўқувчилардан ҳақ олишни бошлайди. Ҳафтасига 1 доллар турадиган обуна шу ойда Канадада ишга туширилади ва келгуси ойларда АҚШ ҳамда Европанинг баъзи қисмларида жорий этилади.
Reuters бу борада бошқа кўплаб сайтлар йўлидан бормоқда, чунки реклама билан қўллаб-қувватланадиган бизнес моделлари қийин аҳволда қолган. 1 октябрь куни CNN сайти ҳам пулли обуна жорий қилишини эълон қилди. Эндиликда фойдаланувчилар сайтдан чексиз фойдаланиш учун ойига 3,99 доллар тўлашлари керак бўлади.
Verge технологик портали ҳам пулли обунани жорий этишни кўриб чиқмоқда. Аввалроқ Status ахборот бюллетени Vergeнинг режалари ҳақида хабар берган эди.
Reuters ўз янгиликлар контентини бутун дунё бўйлаб бошқа ахборот ташкилотлари учун лицензиялаши билан машҳур. Унинг истеъмолчиларга мўлжалланган янгиликлар сайти глобал янгиликлар фаолиятининг фақат бир қисмини ифодалайди. Компанияда бутун дунё бўйлаб 2600 нафар журналистлар мавжуд бўлиб, улар эълон қиладиган хабарларни бошқа сайтлар тарқатадилар.
Reuters ўз қамровини кенгайтириш ва сифатли контент яратишда давом этиш учун обуна даромадига таянади, деди Reuters президенти Пол Баскоберт интервьюда.
"Бу биз ўсиш ва инвестициялар нуқтаи назаридан агрессив ҳаракат қилишга қарор қилганимиз йўқ. Обуналарни жорий этиш бизга сармоя киритиш учун асос беради", деди у.
Пулли обуна модели The Wall Street Journal ва Неw Ёрк Тимес каби таниқли сайтлар мисолида ўзини оқлаган бўлса-да, бу йўналишни янги бошлаганлар аллақачон гавжум янгиликлар ва кўнгилочар контентлар бозорида маълум қийинчиликларга дуч келишлари мумкин. Улар веб-трафикнинг пасайиши, уларнинг имкониятларини камайиши ва реклама берувчилар учун жозибадорликни йўқолиши каби хавфини туғдиради.
Reutersнинг истеъмолчиларга мўлжалланган янгиликлар сайтлари ойига 45 миллиондан 50 миллионгача уникал фойдаланувчига эга бўлиб, 240 мамлакат ва ҳудуддан трафикни жалб қилади, деди компания. Баскобертнинг фикрича, Reutersнинг глобал таъсир доираси унга бошқа сайтлардан устунлик беради.
Бутун дунёдаги янгиликлар сайтлари обуна каби даромад манбалари билан тажриба ўтказмоқдалар, чунки анъанавий реклама билан қўллаб-қувватланадиган бизнес моделлари бир қатор қийинчиликларга дуч келмоқда. Муҳим муаммолар қаторига реклама берувчиларнинг янгиликлар сайтларидан қочиши, ижтимоий платформаларнинг ривожланиши ва сунъий интеллектнинг сайтлар бизнесига таъсири этиши киради.
Reuters учун ўз брендини умумий янгиликлар аудиториясига сотиш қийин бўлади, аммо компания ўзининг содиқ ўқувчиларига ишонмоқда.
“Кўпчилик бизни янгиликлар манбаи сифатида билмас эди. Биз янгиликлар бериб борадиган сайтлар учун янгиликлар манбаи эдик ", деди Баскоберт. "Биз ҳозир янгиликлар бозорида сифатли контент учун талаб катта деб ҳисоблаймиз, айниқса ҳозиргидек дезинформациялар урчиган бир пайтда"
2023 йилда Reuters Неwс сайти бош компания бўлган Томсон Reuters даромадининг 11 фоизини ташкил этди. Компания даромадларининг катта қисми ҳуқуқий контент, тадқиқотлар ва воситаларга йўналтирилган бўлинмалардан келади.
Изоҳ (0)