Россия президенти Владимир Путин олигарх Евгений Пригожин ва унинг «Вагнер» ёлланма аскарларидан Россия элитасини тўхтатиб туриш учун фойдаланмоқда. Бу ҳақда CNN хабар берди.
Нашрнинг таъкидлашича, Россиянинг Украинага кенг бостириб кириши пайтида Пригожин жамоат арбобига айланди. У «Вагнер» гуруҳи деб аталмиш хусусий ҳарбий кампанияни яратишдаги ролини очиқ тан олади ва Кремль рухсати билан ўн минглаб маҳбусни урушда қатнашишга жалб қилмоқда.
Пригожин тез-тез фронтда ва унинг атрофида кўриниш беради. У ерда «вагнерчилар» билан гаплашади, нутқидаги қўпол иборалардан хижолат тортмайди. Шу билан бирга, олигарх Россия Мудофаа вазирлиги раҳбарияти билан ҳақиқий медиа урушини бошлаб, вазир Сергей Шойгу ва унга бўйсунувчи генералларнинг очиқ танқидчиларидан бирига айланди. Пригожин ҳарбийларни урушнинг муваффақиятсиз бориши учун очиқчасига қоралайди ва бунга «Вагнер»нинг «ютуқлари» билан қарши туришга ҳаракат қилади.
Журналистлар Пригожиннинг Россия ҳарбий қўмондонлигига қарши оммавий кампанияси Путинга тўғридан-тўғри қаршилик кўрсатмаслигини айтмоқда.
«Россия президентига ҳарбий инфратузилмани танқид қиладиган одамга эга бўлиш фойдали бўлиши мумкин», — дейилади хабарда.
Худди шу контекстда россиялик мухолифатчи журналист ва блогер Максим Трудолюбовнинг фикри келтирилган:
«Пригожин бу — Путин ўз элитасини қўрқитиш ва ўзларини яхши тутиши учун яратган даҳшатли қўрқитгич. Шу тариқа Путин ҳам қонуний, ҳам жиноий зўравонлик устидан ўз назоратини реклама қилади», — дейди у.
Мавзуга доир:
- Путин биринчи марта қамоқхонадан урушга ёлланган «Вагнер» жангчисини мукофотлади (видео)
- Россияда «Вагнер» гуруҳи аъзоларининг қабристони топилди (видео)
- «Вагнер» ўқув-машқ марказидан олти маҳбус қочиб кетди, улар орасида ўзбекистонликлар ҳам бор
- «Вагнер» раҳбари Евгений Пригожин уюшган жиноятчилик ва коррупция бўйича «Йил одами» деб топилди
Изоҳ (0)