Исроил ва Ғазо сектори чегарасида артиллерия ҳаракат қилмоқда, Ғазо танклардан ўққа тутилмоқда. Бу ҳақида CNN телеканали Сдерот шаҳридаги мухбирига таяниб хабар берди.
Шунингдек, минтақада қирувчи самолётлар парвози ҳам кузатилгани маълум қилинган.
“Танклардан ўт очилаётгани эшитилмоқда... Ғазо кетма-кет артиллериядан ўққа тутилмоқда. Ғазо сектори ва Ғазо шаҳрида кўплаб вайронагарчиликлар қайд этилган”, — дейди журналист.
У, шунингдек, “Ғазода улкан тутун деворини” кўрганини айтди.
Аввалроқ ҳудудда бир неча кучли портлашлар содир бўлгани, алоқа ва интернет бутунлай узилгани хабар қилинганди.
Изоҳ (0)