Thomson Reuters asos solgan axborot sayti 1995-yildan beri iste'molchilar uchun bepul edi. Sayt pulli bo‘lish arafasida.
Global yangiliklar sayti o'quvchilardan haq olishni boshlaydi. Haftasiga 1 dollar turadigan obuna shu oyda Kanadada ishga tushiriladi va kelgusi oylarda AQSH hamda Yevropaning baʼzi qismlarida joriy etiladi.
Reuters bu borada boshqa ko'plab saytlar yo'lidan bormoqda, chunki reklama bilan qo'llab-quvvatlanadigan biznes modellari qiyin ahvolda qolgan. 1-oktyabr kuni CNN sayti ham pulli obuna joriy qilishini e’lon qildi. Endilikda foydalanuvchilar saytdan cheksiz foydalanish uchun oyiga 3,99 dollar to'lashlari kerak bo‘ladi.
Verge texnologik portali ham pulli obunani joriy etishni ko'rib chiqmoqda. Avvalroq Status axborot byulleteni Vergening rejalari haqida xabar bergan edi.
Reuters o'z yangiliklar kontentini butun dunyo bo'ylab boshqa axborot tashkilotlari uchun litsenziyalashi bilan mashhur. Uning iste'molchilarga mo'ljallangan yangiliklar sayti global yangiliklar faoliyatining faqat bir qismini ifodalaydi. Kompaniyada butun dunyo bo'ylab 2600 nafar jurnalistlar mavjud bo'lib, ular e’lon qiladigan xabarlarni boshqa saytlar tarqatadilar.
Reuters o'z qamrovini kengaytirish va sifatli kontent yaratishda davom etish uchun obuna daromadiga tayanadi, dedi Reuters prezidenti Pol Baskobert intervyuda.
"Bu biz o'sish va investitsiyalar nuqtai nazaridan agressiv harakat qilishga qaror qilganimiz yo‘q. Obunalarni joriy etish bizga sarmoya kiritish uchun asos beradi", dedi u.
Pulli obuna modeli The Wall Street Journal va New York Times kabi taniqli saytlar misolida o‘zini oqlagan bo'lsa-da, bu yo‘nalishni yangi boshlaganlar allaqachon gavjum yangiliklar va ko'ngilochar kontentlar bozorida ma’lum qiyinchiliklarga duch kelishlari mumkin. Ular veb-trafikning pasayishi, ularning imkoniyatlarini kamayishi va reklama beruvchilar uchun jozibadorlikni yo‘qolishi kabi xavfini tug'diradi.
Reutersning iste'molchilarga mo'ljallangan yangiliklar saytlari oyiga 45 milliondan 50 milliongacha unikal foydalanuvchiga ega bo‘lib, 240 mamlakat va hududdan trafikni jalb qiladi, dedi kompaniya. Baskobertning fikricha, Reutersning global ta'sir doirasi unga boshqa saytlardan ustunlik beradi.
Butun dunyodagi yangiliklar saytlari obuna kabi daromad manbalari bilan tajriba o'tkazmoqdalar, chunki an'anaviy reklama bilan qo'llab-quvvatlanadigan biznes modellari bir qator qiyinchiliklarga duch kelmoqda. Muhim muammolar qatoriga reklama beruvchilarning yangiliklar saytlaridan qochishi, ijtimoiy platformalarning rivojlanishi va sun'iy intellektning saytlar biznesiga ta'siri etishi kiradi.
Reuters uchun o'z brendini umumiy yangiliklar auditoriyasiga sotish qiyin bo'ladi, ammo kompaniya o‘zining sodiq o'quvchilariga ishonmoqda.
“Ko'pchilik bizni yangiliklar manbai sifatida bilmas edi. Biz yangiliklar berib boradigan saytlar uchun yangiliklar manbai edik ", dedi Baskobert. "Biz hozir yangiliklar bozorida sifatli kontent uchun talab katta deb hisoblaymiz, ayniqsa hozirgidek dezinformatsiyalar urchigan bir paytda"
2023-yilda Reuters News sayti bosh kompaniya bo‘lgan Tomson Reuters daromadining 11 foizini tashkil etdi. Kompaniya daromadlarining katta qismi huquqiy kontent, tadqiqotlar va vositalarga yo'naltirilgan bo'linmalardan keladi.
Izoh (0)