Ҳозирда қамоқда бўлган миллиардер, FТХ криптовалюта биржаси асосчиси Сем Банкмен-Фрид АҚШнинг собиқ президенти Дональд Трампга 2020 йилги сайловларда қатнашмаслик учун пул тўлашга тайёр бўлган.
Reuters хабарига кўра, бу ҳақида журналист Майкл Льюис “Янги магнатнинг юксалиши ва қулаши” китобида маълум қилган. Сем Банкмен-Фрид сенатдаги “пойга”ларда Трампни қўллаб-қувватловчи номзодларни мағлуб этиш учун республикачи сенатор Митч Макконнел ҳисобига 15 миллион доллардан 30 миллион долларгача пул ўтказишни режалаштирган.
“Бошқа томондан, Банкмен-Фриднинг менга тушунтиришича, у президентликка номзод бўлмаслик учун Дональд Трампнинг ўзига ҳам пул тўлашнинг қонунийлигини ўрганиб чиққан”, — деб ёзган Льюис.
Миллиардернинг сўзларига кўра, Дональд Трампнинг сайловларда қатнашишдан бош тортиш нархи 5 миллиард долларгача бўлиши мумкин эди.
Майкл Льюиснинг китобида нима учун Банкмен-Фрид ўз режаларини амалга оширмагани ҳақида ёзилмаган. Reuters таъкидлаганидек, Банкман-Фриднинг вакили Марк Ботник бу китоб ҳақида изоҳ беришдан бош тортди. Шунингдек, Трамп вакиллари ҳам изоҳ бериш сўровига жавоб бермаган.
Изоҳ (0)