Буюк Британия ҳарбий разведкаси 20 февраль куни тақдим этган маълумот ўтган ойда Украинада Россия ҳарбийлари томонидан қўлланган Шимолий Корея баллистик ракеталари АҚШ ва Европа компанияларида ишлаб чиқарилган юзлаб компонентларга эгалигини тасдиқлади. Бу ҳақда CNN нашри хабар берди.
Ушбу топилма Шимолий Кореянинг ракета дастурида чет эл технологияларига таянишининг далилларидан биридир. Россия қўлидаги қурол ғарб компонентларига эга эканлиги уруш мақсадлари молиявий эҳтиёжлар билан боғлиқ эканлиги билан асосланган.
Хабарда айтилишича, Британия тадқиқот гуруҳи Украинанинг Харьков шаҳридан топилган Шимолий Корея баллистик ракетаси қолдиқлари орасидан 290 та компонентни бевосита ўрганиб чиққан. Ўрганиш давомида компонентларнинг 75 фоизи Америка Қўшма Штатларида рўйхатдан ўтган компаниялар томонидан ишлаб чиқилгани ва сотилгани аниқланган.
Тадқиқотчиларга кўра, ракетада топилган компонентларнинг қолган 16 фоизи Европада, 9 фоизи эса Осиёда жойлашган компаниялар билан боғланган. Бу компонентлар биринчи навбатда ракетанинг навигация тизимидан иборат бўлиб, бош қароргоҳи АҚШ, Хитой, Германия, Япония, Нидерландия, Сингапур, Швейцария ва Тайванда жойлашган 26 та компанияда ишлаб чиқарилиши мумкин.
Изоҳ (0)