Eron iyun oyida Isroil hujumlari paytida shikastlangan barcha havo mudofaa tizimlarini almashtirdi. Bu haqda armiyaning tezkor qo‘mondoni Mahmud Musaviyga tayanib, IRNA xabar berdi.
Dushman Eronning havo hujumidan mudofaa qobiliyatini yo‘q qilishga intildi. Urush paytida bizning havo hujumidan mudofaa tizimining bir qismi shikastlandi. Ammo jangovar safdoshlarimizning sa’y-harakatlari tufayli shikastlangan tizimlar almashtirildi (yangilariga) va oldindan belgilangan joylarga o‘rnatildi, dedi Mahmud Musaviy.
Uning ta’kidlashicha, yangi qurilmalar maydoni butun Eron hududini qamrab oladi. Bu mamlakat havo hududi to‘liq himoyalanganini anglatadi.
13-iyun kuni Isroil Eronning yashirin harbiy-yadro dasturini bahona qilib, keng ko‘lamli operatsiya boshladi. Axios nashriga ko‘ra, Isroil shu kuni Eron ichkarisida yashirin diversiyalar o‘tkazib, strategik raketa obyektlari va mudofaa tizimlariga zarar yetkazgan. “Hamdam” va “Tabriz” aviabazalariga hujum qilinib, o‘nlab dron va raketa qurilmalari yo‘q qilingan.
Eron yahudiy davlatining ayblovlarni rad etgan va javoban hujumlar uyushtirgan. 12 kunlik qarama-qarshilik davomida AQSH ham aralashib, 22-iyun kechasi Eron yadro obyektlariga zarba bergan. Bunga javoban Eron 23-iyun kuni Qatardagi AQSHning Al-Udeyd bazasini nishonga olgan. Tehron mojaro kengayishini istamasligini bildirgan.
Izoh (0)