Isroil Eronning uran qazib olish faoliyati AQSH zarbalari natijasida zarar ko‘rganini, ammo u butunlay yo‘q qilinmaganini ta’kidlamoqda. Yahudiy mamlakat vakili Eronning “har qadami kuzatuv ostida ekanini” ma’lum qildi.
Agar uran qazib olish ishlari qayta boshlansa, Isroil yangi zarbalar berishdan qaytmaydi, dedi yahudiy davlati rasmiysi.
Oq uy matbuot kotibi Anna Kelli NBC News telekanaliga bergan bayonotida shunday dedi:
AQSH prezidenti Donald Tramp ko‘p marta aytganidek, “Yarim tun bolg‘asi” operatsiyasi Eronning yadroviy obyektlarini butunlay yo‘q qilgan. Uning qat’iy yetakchiligi tufayli butun dunyo xavfsiz joyga aylangan.
Ta’kidlanishicha, yahudiy razvedka ma’lumotlari tufayli Eronning yadroviy inshootlariga hujum qilishga qaror qilingan. Tehron boyitilgan “uranni qurolga aylantirishga shoshilinch va yashirincha” kirishgan.
Isroil razvedka ma’lumotlarini AQSH prezidenti bilan ham baham ko‘rgan. Biroq mamlakat Vashingtonning roziligisiz ham Eronga zarba berishga tayyorlanmoqda. Amaldor razvedka ma’lumotlari manbasi haqida aniq ma’lumot bermagan.
Eron esa yadro quroli yaratmoqchi ekanini rad etib kelmoqda. Eron tashqi ishlar vaziri Abbos Aroqchi AQSH zarbalaridan bir kun oldin bergan intervyusida “har bir davlat tinch maqsadlarda uranni boyitish huquqiga ega ekanini” aytgandi.
Bu o‘z olimlarimizning yutug‘i. Bu milliy g‘urur va qadr-qimmat masalasi, degan Aroqchi.
Izoh (0)