Isroil hujum qilsa, Eron "og'riqli" javob qaytaradi. Bu haqda Islom inqilobi qo‘riqchilari korpusi (IIQK) qo‘mondoni general-leytenant Husayn Salamiy aytib o‘tdi.
Salamiyga ko‘ra, Amerikaning THAAD raketaga qarshi mudofaa tizimlari bu holatda Isroilga yordam bera olmaydi.
“Biz har doim bergan va’dalarimizni bajaramiz. Agar Eron hududida yoki mintaqaning boshqa joyida bizning obyektlarimizga hujum qilsangiz, biz og'riqli javob beramiz", dedi qo'mondon.
Uning qo‘shimcha qilishicha, Eron Amerikaning THAAD raketaga qarshi mudofaa tizimlariga muvaffaqiyatli qarshilik ko‘rsatishga qodir va Isroil ularga tayanmasligi kerak, chunki Tehron ularning “barcha zaif va kuchsiztomonlarini biladi”.
IIQK bosh qo‘mondoni so‘zlariga ko‘ra, Eronning 1-oktyabr kuni HAMAS va Hizbullohning yuqori martabali a’zolarini yo‘q qilinishga javoban amalga oshirgan yirik raketa hujumi faqat ogohlantirish edi.
"Yahudiy davlati bundan saboq olishi kerak edi", dedi general.
1-oktabr kuni Eron Isroilga qarata 200 dan ortiq raketa uchirdi, ularning aksariyati havo hujumidan mudofaa tizimi orqali urib tushirildi. Eron hujumni "Hizbulloh" yetakchisi Hasan Nasrulloh va IIQK general-mayori Abbos Nilforushanning o‘limiga javob deb atadi.
Isroil armiyasi “jiddiy va muhim javob”ni va’da qildi. 15-oktyabr kuni Isroil rahbariyati Eronga bo‘lajak hujumning vaqti va usulini tanlagani ma’lum bo‘ldi.
Izoh (0)