Germaniyada 20-iyul kuni noodatiy avtohalokat yuz berdi. Hodisada avtomobil yo‘ldan chiqib ketib, 7 yoshli bolani urib yubordi va uchib borib omborxona tomiga kirib ketdi. Bu haqda CNN xabar berdi.
Politsiyaning ma’lum qilishicha, mashina dastlab yo‘lda boshqa avtomobil bilan to‘qnashib, to‘siqni buzgan holda bog‘ga kirib ketgan. U yerda esa kichik bolani urib yuborgan. Keyin mashina notekis yerda harakatlanishi sabab havoda katapulta singari uchib, 3 metr balandlikdagi qo‘shni omborxona tomiga borib urilgan.
7 yoshli bola og‘ir jarohat olgani ma’lum qilingan. 42 yoshli haydovchi va uning rafiqasi ham jiddiy tan jarohati olgan. Ularning 11 va 12 yoshli ikki o‘g‘li va 13 yoshli yo‘lovchi ham mashina ichida yengil jarohatlangan.
Voqeaga joyiga ko‘plab o‘t o‘chiruvchilar, o‘nlab tez tibbiy yordam mashinalari va ikkita qutqaruv vertolyoti jalb qilingan. Hodisa joyidan olingan suratlarda qutqaruvchilar tomni buzib, mashinani chiqarib olishga harakat qilayotganini ko‘rish mumkin. Mashina tomdan kran yordamida tushirilib, politsiya tomonidan olib ketilgan. Hozirda tergov ishlari olib borilmoqda.
Izoh (0)