Эрон июнь ойида Исроил ҳужумлари пайтида шикастланган барча ҳаво мудофаа тизимларини алмаштирди. Бу ҳақда армиянинг тезкор қўмондони Маҳмуд Мусавийга таяниб, IRNA хабар берди.
Душман Эроннинг ҳаво ҳужумидан мудофаа қобилиятини йўқ қилишга интилди. Уруш пайтида бизнинг ҳаво ҳужумидан мудофаа тизимининг бир қисми шикастланди. Аммо жанговар сафдошларимизнинг саъй-ҳаракатлари туфайли шикастланган тизимлар алмаштирилди (янгиларига) ва олдиндан белгиланган жойларга ўрнатилди, деди Маҳмуд Мусавий.
Унинг таъкидлашича, янги қурилмалар майдони бутун Эрон ҳудудини қамраб олади. Бу мамлакат ҳаво ҳудуди тўлиқ ҳимояланганини англатади.
13 июнь куни Исроил Эроннинг яширин ҳарбий-ядро дастурини баҳона қилиб, кенг кўламли операция бошлади. Axios нашрига кўра, Исроил шу куни Эрон ичкарисида яширин диверсиялар ўтказиб, стратегик ракета объектлари ва мудофаа тизимларига зарар етказган. “Ҳамдам” ва “Табриз” авиабазаларига ҳужум қилиниб, ўнлаб дрон ва ракета қурилмалари йўқ қилинган.
Эрон яҳудий давлатининг айбловларни рад этган ва жавобан ҳужумлар уюштирган. 12 кунлик қарама-қаршилик давомида АҚШ ҳам аралашиб, 22 июнь кечаси Эрон ядро объектларига зарба берган. Бунга жавобан Эрон 23 июнь куни Қатардаги АҚШнинг Ал-Удейд базасини нишонга олган. Теҳрон можаро кенгайишини истамаслигини билдирган.
Изоҳ (0)