Ijtimoiy himoyaga muhtoj bo‘lgan fuqaroning ko‘chmas mol-mulki unga tayinlangan vasiy tomonidan talon-toroj qilingani aniqlandi. Bu haqda Bosh prokuratura xabar berdi.
Maʼlum qilinishicha, ruhiy jihatdan nosog‘lom bo‘lgan S.Sh.ga uning opasi T.Sh. vasiy etib tayinlangan. U boshqa ulushdorlarning vafot etganligidan foydalanib, ulushli mulk bo‘lgan yashash xonadonini sotib yuborish rejasini tuzgan.
Rejaga asosan vasiy etib tayinlangan T.Sh. singlisi nomidan vasiylik va homiylik organi vakillarining ishtirokisiz o‘ziga ulushli mulkni sotish uchun rozilik berish haqida tegishli ishonchnoma rasmiylashtirib olgan. U vasiylikka olingan S.Sh.ning ulushi bo‘lgan turar joyni fuqaro O.S.ga 35 ming dollarga sotib yuborgan va pullarni o‘zining ehtiyojlari uchun sarflagan.
Mazkur holat yuzasidan jinoyat ishi qo‘zg‘atilib, hozirda dastlabki tergov harakatlari olib borilmoqda.
Qashqadaryoda er-xotin uy olish maqsadida bir haftalik chaqalog‘ini 190 mln so‘mga pullagani haqida xabar berilgandi. Toshkent viloyatida bir yoshli o‘g‘lini 9 ming dollarga sotishga uringan er-xotinga sud hukmi o‘qilgani, Samarqandda ayol uy olish uchun 6 yoshli o‘g‘lini 6 ming dollarga sotmoqchi bo‘lganida qo‘lga olingani haqida xabar berilgandi.
Izoh (0)