Ижтимоий ҳимояга муҳтож бўлган фуқаронинг кўчмас мол-мулки унга тайинланган васий томонидан талон-торож қилингани аниқланди. Бу ҳақда Бош прокуратура хабар берди.

Маълум қилинишича, руҳий жиҳатдан носоғлом бўлган С.Ш.га унинг опаси Т.Ш. васий этиб тайинланган. У бошқа улушдорларнинг вафот этганлигидан фойдаланиб, улушли мулк бўлган яшаш хонадонини сотиб юбориш режасини тузган.
Режага асосан васий этиб тайинланган Т.Ш. синглиси номидан васийлик ва ҳомийлик органи вакилларининг иштирокисиз ўзига улушли мулкни сотиш учун розилик бериш ҳақида тегишли ишончнома расмийлаштириб олган. У васийликка олинган С.Ш.нинг улуши бўлган турар жойни фуқаро О.С.га 35 минг долларга сотиб юборган ва пулларни ўзининг эҳтиёжлари учун сарфлаган.
Мазкур ҳолат юзасидан жиноят иши қўзғатилиб, ҳозирда дастлабки тергов ҳаракатлари олиб борилмоқда.
Қашқадарёда эр-хотин уй олиш мақсадида бир ҳафталик чақалоғини 190 млн сўмга пуллагани ҳақида хабар берилганди. Тошкент вилоятида бир ёшли ўғлини 9 минг долларга сотишга уринган эр-хотинга суд ҳукми ўқилгани, Самарқандда аёл уй олиш учун 6 ёшли ўғлини 6 минг долларга сотмоқчи бўлганида қўлга олингани ҳақида хабар берилганди.
Изоҳ (0)