Angliyalik futbolchi Trent Aleksander-Arnold Madridning “Real”iga o‘tgani haqida fikrlarini bildirdi.
Bugun, 12-iyun kuni futbolchini tanishtirish marosimi o‘tkazilgan edi. Futbolchi o‘ziga berilgan imkoniyat uchun barchaga rahmat aytdi.
Men “Real” muxlislariga o‘z o‘yinimni ko‘rsatish imkoniyatini intiqlik bilan kutyapman. Bu yerda o‘ynash qanday masʼuliyat ekanini yaxshi tushunaman. Bor kuchimni ishga solaman va ko‘plab sovrinlarni yutish uchun harakat qilaman, deydi himoyachi.
O‘z navbatida “Real” klubi prezidenti Florentino Peres ham Trent Aleksander-Arnold haqida gapirdi. U, avvalo, barcha sovrinlarni yutgan futbolchi, dunyoning eng yaxshi qanot himoyachilaridan biri va “Liverpul” afsonasi “Real”ga o‘tganini taʼkidladi.
Endi u “Real”da tarix yaratishni davom ettirmoqchi va bizning futbolkani kiyish quvonchini his qilmoqchi. Biz Trentga minnatdorlik bildirmoqchimiz, chunki u boshqa jamoalarga o‘tishi yoki “Liverpul” kabi klubda qolishi mumkin edi, lekin u bizni tanladi, chunki bu yerda o‘ynashni xohladi, dedi Peres.
Izoh (0)